पर्सा सुन चाँदी व्यवसायी संघको अध्यक्षमा पूनः भुलन निर्वाचित,प्रवेशले उठाए गम्भिर सवाल

इसीमाना सम्बाददाता २०८१ भदौ २ गते १७: १२ मा प्रकाशित 217 पटक पढिएको

बीरगंज । पर्सा सुन चाँदी व्यवसायी संघको अध्यक्षमा पूनः भुलन साह सोनार निर्वाचित भएका छन । उनका निकटम प्रतिद्वण्दी प्रवेश सर्राफलाई पराजित गर्दै भुलन विजयी भएका हुन् । भुलनले १ सय ६२ मत प्राप्त गर्दा प्रवेश सर्राफले १ सय ४९ मत पाए ।

संघको १३ सदस्यीय कार्यसमितिमा एक उपाध्यक्ष र दुई सदस्य बाहेक सबै पदाधिकारी र सदस्यमा सोनारकै प्यानल निर्वाचित भएको छ ।

उपाध्यक्षमा सोनार समुहकै कौशल किशोर सर्राफ १ सय ४९ मतका साथ विजयी भएका छन् भने अर्को उपाध्यक्षमा सर्राफ समुहका जयप्रकाश सर्राफ १ सय ४४ मतका साथ निर्वाचित भएका छन्।

यस्तै महासचिवमा सोनार समुहका अनिल कुमार सर्राफ १ सय ७७ मत, सचिवमा विकास सर्राफ १ सय ४६ मत र कोषाध्यक्षमा विजय कुमार सर्राफ १ सय ५१ मतका साथ निर्वाचित भएका छन्।

यसैगरी सदस्यमा विजय सर्राफ, विजय कुमार सर्राफ, लक्ष्मण सर्राफ, मनोज साह, शशी सर्राफ,सुरज सर्राफ र पूजा दैवी निर्वाचित भएका छन्।

यता अध्यक्षमा पराजीत प्रवेश सर्राफले समाजिक संजाल मार्फत आफूलाई मतदान गर्ने सबैलाई आभार प्रकट गरेका छन । उनले नयाँ समिति निर्वाचित गराउने मतदातालाई चार वर्ष देखी संघको आय ब्यय बिवरण साधारण सभामा प्रस्तुत नभएको प्रति भने गम्भिर ध्यानाकर्षण गराएका छन ।

उनले लेखेका छन“ ४ वर्षको हिसाव बिताव साधारण सभामा पेश गर्न नसक्ने समिति सभाहल नै छाडेर भागे अव तिनलाई सोध्न सक्नुहुन्छ ? ।

उनले भनेका छन तपाईहरुका आवाज बनेर बोल्ने मेरो कर्तब्य थियो त्यो मैले गरे यदी मेरो यो काम गल्ती हो भने तपाईहरु आफै मनन गर्नुहोला सबैको जय होस ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।