“पडोसीके साथ आँख मे आँख मिलाके बात करना होगा” एमाले बरिष्ठ उपाध्यक्ष पोख्रेल
वीरगन्ज । नेकपा एमालेका बरिष्ठ उपाध्यक्ष इश्वर पोखरेलले राष्ट्रको स्वाधिनता र स्वतन्त्रताको बिषयमा आँखामा आँखा जुधाएर कुरा राख्न सक्नुपर्ने बताए ।
नेकपा एमाले पर्साको नवौं जिल्ला अधिवेशन सोमवार बीरगंजमा उदघाटन गर्दै एमाले बरिष्ठ उपाध्यक्ष पोखरेलले भने, ‘छिमेकी देश भारत र चीनसँग नेपाल र नेपाली जनताको सरोकारका विषयमा आँखामा आँखा मिलाएर बोल्न सक्नुपर्छ ।
वीरगन्ज स्थित भारतीय महावाणिज्य दूतावासको छेउमै रहेको लालबंगला मैदानमा आयोजनीत कार्यक्रमलाई सम्बोधन गर्दै पूर्व रक्षामन्त्री समेत रहेका बरिष्ठ उपाध्यक्ष पोखरेलले अली जोड दिदै भने पडोसीके साथ आँख मे आँख मिलाके बात करना होगा ।
’उनले देशभित्र आन्तरिक एकता सुदृढ पार्दै छिमेकीहरुसंग आफनो स्वाधिनता र हितकोलागि के.पी.ओलीले डटेर कुरा राखेको स्मरण गरेका । के.पी.ओलीको नेतृत्वमा लिपुलेक, लिम्पियाधुरा र कालापानी नेपाली भूभाग भएकोकुरा सार्वभौम संसदले बहुमतले अनुमोदन गरेको चर्चा गर्दै बरिष्ठ नेता पोख्रेलले अब दुवैदेशसँग राष्ट्रिय सरोकारका विषयमा खुलेर कुरा राख्न सक्नुपर्ने बताए ।
एमालेको अबको एजेण्डा आर्थिक विकास र समृद्धि नै रहेको बताए । उनले उद्योगको विकासद्वारा रोजगारीको सृजना गरी विदेश पलाएन भएका युवा जनशक्तिलाई देशमै रोक्नुपर्ने बेला आएको बताए । उनले नेकपा एमालेले अब प्रधानमन्त्री बन्ने र बनाउने मात्रै नभई देशलाई आर्थिक रुपाम सम्पन्न नागरिकलाई सुखी बनाउनका लागि एजेण्डा अगाडि बढाएको बताए ।
नेकपा एमाले पर्साका संयोजक डा.विश्वम्भर शर्माको अध्यक्षतामा भएको कार्यक्रममा पार्टीका केन्द्रीय सचिव तथा मधेस प्रदेश इञ्चार्ज योगेश भट्टराई, पोलिटब्यूरो सदस्य तथा बारा क्षेत्र नम्बर १ का सांसद अच्युत मैनाली, केन्द्रीय सदस्यहरु लिलानाथ श्रेष्ठ, जुली साह, राजकुमार गुप्ता, प्रभु हजरा लगायत केन्द्र, जिल्ला र स्थानीय तहका नेता कार्यकर्ताहरुको उपस्थिति रहेको थियो ।
पार्टीको नयाँ नेतृत्व चयन प्रकृया भोली हुने बन्दसत्रपछि शुरु हुने एमाले पर्साले जनाएको छ । बन्दसत्र भोली क्लासिक बंक्वेटमा हुनेछ । बन्दसत्रपछि नेतृत्व चयनका लागि निर्वाचन प्रकृया शुरु हुनेछ ।
सर्वसम्मत नेतृत्व चयनको प्रयास पनि हुने एमालेका एक नेताले बताएका छन । पर्साको पार्टी नेतृत्व लिनकालागि डा. बिश्वम्भर शर्मा,जयप्रकाश थारु,शिव पटेलको आकांक्षी देखिएका छन ।
जालिम मियाको नाम समेत अध्यक्षमा चर्चामा ल्याइएको छ । प्यानल बनाएर चुनाव मै जाने तयारी पनि छ । डा. शार्माको नेतृत्वमा उपाध्यक्षमा मनोज गुप्ता सचिवमा शिवजी गुप्ता अर्को तर्फ जय प्रकाश थारुको नेतृत्वमा उपाध्यक्षमा शिव पटेल सचिवमा नवराज शर्माको नामपनि चर्चामा आएको छ ।
सम्बन्धित शीर्षकहरु
वीरगंज । प्रवासी नेपाली मंच बेल्जियमको सातौ अधिवेशनले बिनोद न्यौपानेलाई सर्वसम्मत रुपमा अध्यक्ष चयन गरेको छ ।
वीरगंज। भारतले बुधबार पाकिस्तान र पाकिस्तान नियन्त्रित कश्मीर (पीओके) मा रहेको ‘आतङ्कवादी केन्द्रहरु’ नौ स्थानमा हमला गरेको घोषणा गरेको छ ।
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
वीरगन्ज । नेकपा एमालेका सल्लाहकार शिव पटेलले क्रिकेट मैदान निर्माण कार्यका एक कार्यक्रमकावीच शिलान्यास गरेका छ ।
तपाईको प्रतिक्रिया