जनकपुरधाम । मधेश प्रदेशका मुख्यमंत्री सरोज यादवले बिश्वासको मत पाएका छन । प्रदेश सभामा राती पौने नौ बजे भएको मत बिभाजनमा मुख्यमंत्रीले बिश्वासको मत पाएका हुन ।
उनले ६१ मत प्राप्त गरेका थिए । बिपक्षमा भने शून्य मत परेको छ । सरोज कुमार यादवको सरकारले बिश्वासको मत प्राप्त गरेको सभामुख रामचन्द्र मण्डलले घोषणा गरेका थिए ।
उनका अनुसार कुल १०७ सांसदमध्ये प्रदेशसभामा ६१ सांसद उपस्थित थिए । उनले बैठकमा मुख्यमन्त्री यादवले विश्वासको मत लिने सम्बन्धी राखेको प्रस्तावको कारबाही अगाडी बढाउदा जनमत पार्टी र नेपाली काँग्रेसका साँसदहरुले बहिष्कार गरे ।
त्यसपछि बैठक स्थगत गर्न लोसपाले माग राख्यो । तर सभामुख मण्डलले बैठक स्थगन गर्न नमानेपछि लोसपाका साँसदहरुले पनि बहिष्कार गरेका थिए ।
मधेश प्रदेशका मुख्यमन्त्री सरोजकुमार यादवले आज चौथोपटक विश्वासको मत लिएका हुन ।
मधेश सरकारबाट निकालिएको नेपाली काँग्रेसले चैत ९ गते समर्थन फिर्ता लिएपछि मुख्यमन्त्री यादवले विश्वासका मत लिनु पर्ने अवस्था आएको हो ।
सरकारमा रहेका दलले समर्थन फिर्ता लिएपछि ३० दिनभित्र विश्वासको मत लिनुपर्ने प्रावधान छ ।
तपाईको प्रतिक्रिया