बारा एमालेको अध्यक्षमा पौडेल खेमाका पाण्डे निर्वाचित

इसीमाना सम्वाददाता २०८० चैत २४ गते १४: ११ मा प्रकाशित 286 पटक पढिएको

वीरगञ्ज । नेकपा एमाले बाराको जिल्ला अध्यक्षमा अध्यानन्द पाण्डे निर्वाचित भएका छन् । शुक्रबार सम्पन्न मतदानमा पाण्डे ३ सय ७७ मत प्राप्त गरि बिजयी भएका हुन । निकटतम प्रतिद्वण्दी टिना सुवेदीले भने ३ सय ४३ मत प्राप्त गरिन ।

अन्य पदमा टिना सुवेदीको प्यानलमा रहेका सबैले जीत निकाल्दा अध्यक्षमा सुवेदी ३४ मत अन्तरले हार्नु परेको हो ।

पाण्डेलाई पोलिटब्यूरो सदस्य पुरुषोत्तम पौडेल, प्रदेश सचिव मनोज पौडेल, प्रदेशसभा सदस्य रविन्द्रदास श्रेष्ठ लगायतको समर्थन रहेको थियो । सुवेदीलाई एमालेका अर्का पोलिटब्यूरो सदस्य अच्युत मैनाली, बलबीर चौधरी, ज्वाला साह लगायतको समर्थन रहेको थियो ।

उपाध्यक्षमा भुलन चौधरी निर्वाचित भएका छन् । उनँले ३६४ मत प्राप्त गरेका छन् । उनका प्रतिस्पर्धी नारायण गौतमले ३४० मत ल्याएका छन् । सचिवमा अमृत बजगाँईले ३६३ मत ल्याएर विजयी भएका छन् । बजगाँई एमाले पोलिटब्यूरो सदस्य तथा वर्तमान कृषि मन्त्री ज्वाला साहका श्रीमान हुन् । उनका अर्का प्रतिस्पर्धी महम्मद समिउल्लाहले ३२७ मत पाए ।

त्यस्तै उपसचिवमा ३ सय ५७ मत ल्याएर जवाहिर अन्सारी विजयी हुँदा अर्का प्रतिस्पर्धी धनिराम चौधरीले ३ सय ४१ मत मात्रै पाएका छन् ।अन्सारी भने सुवेदीको टिमबाट निकाल्न सफल भएपनि उनी पौडेल निकट मानिन्छन ।

महिला उपसचिवमा ३६८ मत सहित भावना आचार्य (लक्ष्मी) निर्वाचित भएकी छिन् । उनका प्रतिस्पर्धी कमला घिमिरेले ३ सय २५ मत पाएकी थिईन् । नयाँ नेतृत्वका लागि सहमतिको प्रयास गरिएपनि सफल हुन नसकेपछि मतदान प्रक्रियामा गएर निर्णय लिनु परेको बताइएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।