रास्वपा मधेश प्रदेश कमिटीमा पर्सा बाट ब्यवसायी पन्त र प्रजापती निर्बाचित

इसीमाना सम्वाददाता २०८० चैत २३ गते १२: २६ मा प्रकाशित 1374 पटक पढिएको

बीरगंज । होटल तथा पर्यटन ब्यबसायी संघ बिरगंजका अध्यक्ष हरि पन्त राष्ट्रिय स्वतन्त्र पार्टीको मधेश प्रदेश सदस्यमा बिजयी भएका छन ।

मधेश प्रदेश कमिटीमा रिक्त रहेको दुई सदस्य पदकोलागि पार्टी भित्र आन्तरिक चुनाव भएको थियो । बिन्दवासीनी मन्दीरको सभाहलमा हिजो अवेर राती सम्पन्न भएको आन्तरिक चुनावबाट पन्त बिजयी भएका हुन ।

पन्तले सर्वाधिक मतभार १७ मत प्राप्त गरि बिजयी भएका हुन । अर्को सदस्यमा सुदिश प्रजापती बिजयी भएका छन । प्रजापतीले १० मतभार पाएर बिजयी भएका हुन ।

कुल २८ मतभार मतदाता रहेकोमा ३ जना अनुपस्थित रहेका थिए । २५ जना मतदाताले निर्वाचनमा मतदान गरेका थिए । सबै मत सदर भएको थियो ।

पर्साको चारै ओटा निर्वाचन क्षेत्रको निर्बाचित क्षेत्रीय पदाधिकारीहरु , जिल्लामा गठन भएका पालिका पदाधिकारीहरु र पर्सा बाट निर्बाचित प्रदेश प्रतिनिधिहरु मतदाता रहेका थिए ।

पराजीत भएका उम्मेदवारहरु दिप राज पटेलले ९ मत प्राप्त गरे त्यस्तै मुर्ली जलानले ६ मत राम सुन्दर आर्यले ४ मत अर्का २ उम्मेदवारहरुले १/१ मत प्राप्त गरेका थिए ।

प्रदेश सदस्यको लागि भएको आन्तरिक चुनाबमा शुरुमा १४ जना उम्मेदवारहरुले उम्मेदवारी दर्ता गराएका थिए । सहमतीको वतावरण बनाउन छ जना उम्मेदवारहरुले आफ्नो उम्मेदवारी फिर्ता लिए । तर अन्यले उम्मेदवारी फिर्ता नलिए पछि मतदान भएको स्रोतले जनायो ।

राष्ट्रिय स्वतन्त्र पार्टीको बिधान अनुरुप पार्टीको जिल्ला सम्योजक बन्न सम्बन्धित जिल्लाको निर्वाचन क्षेत्र गठित पालिका पदाधिकारी र निर्बाचित प्रदेश प्रतिनिधिहरु द्वारा प्रदेश कमिटी सदस्यमा निर्बाचित भएर आउनै पर्ने बाध्यकारी ब्यवस्था रहेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।