राष्ट्रिय सभा सदस्यकालागि नेपाली कांग्रेसमा पर्साका अमात्यको नाम सिफारिश

इसीमाना सम्वाददाता २०८० पौष १५ गते ०४: ४० मा प्रकाशित 321 पटक पढिएको

बीरगंज । सत्तारुढ नेपाली कांग्रेस मधेस प्रदेश समितिले राष्ट्रिय सभा सदस्य निर्वाचनका लागि उम्मेदवारका आकांक्षीहरुको को नाम सिफारिस गरेको छ ।

कांग्रेस मधेश प्रदेश समितिका सभापति कृष्णकुमार यादवले वरिष्ठता, कार्यक्षमता, समावेशी समानुपातिकको आधारमा नाम सिफारिस गरेको जानकारी दिए ।

पर्साबाट नेपाली कांग्रेसका पर्साका पूर्व सभापति संबिधान सभाका सदस्य अधिवक्ता समेत रहेका राजेन्द्र शहादुर अमात्यको नाम सिफारिश भएको छ । शहीद तेज बहादुर अमात्यका सुपुत्र अमात्य भद्र तथा शालीन नेताको रुपमा परिचित छन ।

कांग्रेस मधेश प्रदेश समितिले पहिलो प्रथामिकतामा अनुशासन समितिका संयोजक आनन्दप्रसाद ढुंगाना र दोश्रो प्रथामिकतामा पार्टीका सहमहामन्त्री फरमुल्लाह मन्सुरको नाम सिफारिश गरेको छ ।

त्यसपछि सर्लाहीबाट नागेन्द्रकुमार, बाराबाट राधेचन्द्र यादव, महोत्तरीबट रामचन्द्र तिवारी, पर्साबाट राजेन्द्र बहादुर अमात्य र रौतहटबाट हृदयनारायण यादवको नाम राष्ट्रियसभा सदस्यको निर्वाचनमा उम्मेदवारको रुपमा सिफारिश गरेको छ ,

नेपाली कांग्रेसले आगामी माघ ११ गते हुने राष्ट्रिय सभाको निर्वाचनका लागि कांग्रेसले सात वटै प्रदेशबाट नाम संकलन गरेको छ ।

राष्ट्रिय सभामा रिक्त हुने २० मध्ये १९ जना राष्ट्रियसभा सदस्यका लागि पुस २३ गते उम्मेदवारले आफ्नो नाम दर्ता गराउनुपर्ने हुन्छ । सरकारको सिफारिसमा राष्ट्रपतिले एक जनालाई मनोनीत गर्ने व्यवस्था रहेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।