हर्कपुरबाट एमाले अध्यक्ष ओलीको सन्देश ,एमालेले मात्रै देशमा शान्ति सुरक्षा कायम गर्न सक्छ

इसीमाना सम्वाददाता २०८० मंसिर २६ गते १७: १८ मा प्रकाशित 333 पटक पढिएको

ओखलढुंगा । नेकपा एमालेका अध्यक्ष केपी शर्मा ओलीले एमालेले मात्रै देशमा शान्ति सुव्यस्था कायम गर्न सक्ने बताएका छन ।

पार्टीको झुलाघाट चिवाभञ्ज्याङ समृद्धिका लागि संकल्प यात्रा अन्तर्गत मंगलबार ओखलढुंगाको हर्कपुरमा आयोजित जनसभालाई सम्बोधन गर्दै अध्यक्ष ओलीले एमालेले मात्रै देशमा शान्ति सुरक्षा कायम गर्न सक्ने बताएका हुन ।

अध्यक्ष ओलीले भ्रष्टाचार नियन्त्रण गर्न र सुशासन कायम गर्न पनि एमालेलेमात्रै गर्न सक्ने बताए । अध्यक्ष ओलीले भने ‘एमाले मात्रै हो जसले शान्ति सुव्यवस्था कायम गर्न सक्छ, भ्रष्टाचार नियन्त्रण गर्न सक्छ, तस्करी नियन्त्रण गर्न सक्छ, सुशासन दिन सक्छ, कानुनको राज, न्यायको राज एमालेले मात्रै दिन सक्छ।’

देश र जनताका लागि काम गर्ने अनि राष्ट्रिय हितका लागि काम गर्ने पार्टी एमाले मात्रै हो भन्ने पुष्टि भइसकेको उनले प्रष्ट पारे ।

अध्यक्ष ओलीले एमाले जतिबेला सरकारमा पुगेको छ त्यतीबेला राष्ट्र हितको पक्षमा काम गरेको बताए ।

एमालेका अध्यक्ष कोशी केपी शर्मा ओलीले अहिलेको गठबन्धन सरकारले साम्प्रदायिकतालाई बढावा दिइरहेको बताए उनले “साम्प्रदायिकताको जगमा उठेको वर्तमान सरकारले साम्प्रदायिकताका पक्षहरुलाई भित्र भित्रै बढाबा दिएर चलिरहेको बताए ।

आजै खोटाङको हलेसीमा स्थानीय बासिन्दा,कार्यकर्ता र नेताहरुसँग अन्तरक्रिया गर्ने कार्यक्रम छ । आजको बास खोटाङको दिक्तेलमा हुनेछ । आज यात्राले ६६ किलोमिटरको दुरी पार गर्ने छ ।

अध्यक्ष केपी शर्मा ओलीको नेतृत्वमा मध्यपहाडका समस्या पहिचान र समाधानका उपायका विषयमा स्थानीयबासिन्दाहरुसँग प्रत्यक्ष संवाद गर्न एमालेले मंसिर १४ गतेबाट मध्यपहाडी यात्रा सुरु गरेको हो । बैतडीको झुलाघाटबाट सुरु भएको यो यात्रा पाँचथरको चिवाभञ्ज्याङमा पुगेर पुष १ गते समापन हुदैछ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।