बीरगंज । नेकपा एमालेका अध्यक्ष के.पी.शर्मा ओलीको मंसीर ५ गते पर्साको पोखरियामा हुने सम्बोधन कार्यक्रमलाई भब्य बनाउनकालागि सिंगो नेकपा एमाले जनपरिचालनमा केन्द्रीत भएको छ ।

मंसीर ५ गते नेकपा एमाले पर्साले पार्टी प्रवेश तथा जनसभाको कार्यक्रम आयोजना गरेको छ । पार्टी अध्यक्ष ओलीले सम्बोधन गर्ने कार्यक्रममा जनसहभागिताकालागि पार्टीका संबै संयन्त्र र जनसंगठन परिचालनमा आफनो शक्ति केन्द्रीत गरेको छ ।

पार्टी अध्यक्ष सहभागी हुने कार्यक्रममा जनपरिचालनको बिषयलाई कामको प्रमुख बिषय बनाएर एमाले पंक्ति बैठक भेलामा केन्द्रीत छ । बिहिवार मात्रै पनि नेकपा एमाले पर्सा कार्यालयमा एमालेका केन्द्रीय सदस्यहरु, प्रदेश कमिटीका पदाधिकारी सदस्य, जिल्ला सचिवालयका सदस्य र पालीका कमिटीक अध्यक्ष उपाध्यक्षको संयुक्त बैठक सम्पन्न भएको छ ।

बैठकले मंसीर ५ को कार्यक्रममा जनसहभागिता जुटाउने र पार्टीमा प्रवेश गर्ने अन्यपार्टीका नेताहरुसंग सम्वाद बढाउने समझदारी बनाएको छ ।

त्यसैगरि पटेर्वा सुगौलीको पालिका कमिटीको बैठक पनि बिहिवार देकुलीमा सम्पन्न भएको एमालेका नेता फरमान अन्सारीले जानकारी दिए । उनका अनुसार बाजा गाजा सहित मंसीर ५ को कार्यक्रममा जनतको सहभागिता गर्ने निर्णय भएको छ ।

५ गतेको कार्यक्रममा जनसहभागिता जुटाउनकालागि पार्टीका मुख्य एजेण्डा बनाएर सबै पालिकाहरुको बैठक सम्पन्न भएको छ । नेकपा एमालले पार्टी प्रवेश कार्यक्रम मार्फत पर्सामा शक्ति प्रर्दशनको तयारीमा रहेको छ ।

कार्यक्रममालाई उद्धेश्यमुलकरुपमा पुरा गर्न एमालेका नेताहरु पोलिट ब्यूरो सदस्य अच्यूत मैनाली, सुमन प्याकुरेल, केन्द्रीय सदस्यहरु अरविन्द कुमार सिंह, प्रभू हजरा ,निर्मला देवकोटा मधेश प्रदेश उपाध्यक्ष बिचारी यादव , पर्साका अध्यक्ष बिश्वम्भर शर्मा लगायतका नेता तथा कार्यकर्ताहरु अहिले फिल्डमा केन्द्रीत रहेका छन ।

मधेश आन्दोलन ताका सबै भन्दा बढी आक्रमणको तारो बनेको नेकपा एमाले अहिले मधेश आन्दोलनबाट स्थापित नेताहरुको आकर्षणको केन्द्र बन्दै गएको छ ।

मंसीर ५ गते पोखरियामा हुने पार्टी प्रवेश कार्यक्रममा जनता समाजवादी पार्टीका केन्द्रीय सदस्य हरिनारायण रौनीयारको प्रवेश हुने कुराले पनि यही संकेत गरेको छ । पार्टीको केन्द्रीय सदस्य रहेका रौनियार पूर्व सासंद हुन । मान पदवी प्रतिष्ठा पाएका रौनीयार एमालेमा प्रवेश किन गर्न तयार भए ।

देशको विकास, जनताको समृद्धि र सुखका लागि यस्तो नेतृत्व चाहिन्छ, जसमा स्पष्ट दृष्टिकोण र सापेक्ष अडान होस्, त्यस्तो के.पी.ओली भएको आफूले पाएको उनको निष्कर्ष छ ।

साना तिना खुद्रा तर्क र तर्कनाले देश बन्दैन रौनीयारले भने नेपाली जनताको विकास र समृद्धि पाउने चाहना के.पी.ओलीको नेतृत्वमा मात्र सम्भव हुने उनको बुझाई छ ।

यस्तो प्रष्ट अडान र दृष्टिकोण भएको नेतृत्वलाई हामी सबैको साथ समर्थन, सहयोग र सहभागिता चाहिन्छ भन्ने निष्कर्षमा पुगेका रौनीयारको अवको राजनीतिक यात्राको बिचारधारा नेकपा एमाले बनेको हो । एमालेमा जाने तयारीमा रहेका रौनीयारमा ठिक बिचार रोज्दै छु भन्ने लागेको छ ।

उनले भनेका छन अन्यौलबाट मुक्त भएको छु मनमा उत्साह छ एमालेको माध्यमबाट जनसेवाको काममा आफूलाई लगाउछु । उनको बुझाई छ जनता र राष्ट्रको पक्षमा काम गर्ने दृढता एमालेका अध्यक्ष के.पी.शर्मा ओलीमा छ ।

कहिले मधेश कहिले पहाड कहिले दाया कहिले बायाका कुरा गरेर क्षणीक समयकालागि सत्ताको स्वाद त चाखिएला तर देशले र जनताले त्यस्ताबाट केही नपाउने बताए । उनले नेकपा एमाले र त्यसका अध्यक्ष के.पी.ओलीको नेतृत्वमा समृद्ध नेपाली र सुखी नेपालीको अभियानले सार्थकता पाउने बुझेका रौनीयारको एमाले प्रवेशले पर्साको राजनीतिमा खास अर्थ राख्ने बताइएको छ ।