पर्सामा जसपाका दूई समिति बैधतामा आ आफ्नै दावी

इसीमाना सम्वाददाता २०८० असोज १० गते १०: १६ मा प्रकाशित 748 पटक पढिएको

बीरगंज । बिहीबार ब्ीरगंजमा सम्पन्न बैठकले जसपा पर्साको अर्को जिल्ला समिति गठन गरेको छ । बहुदरमाई नगरपालिकाका प्रमुख सिंहासन साह तेली नव गठित जिल्ला समितिको अध्यक्षमा चयन गरिएका छन ।

तेलीको नेतृत्वमा गठन गरेको जिल्ला समितिको उपाध्यक्षमा उपाध्यक्षमा ग्यासुदिन मियाँ, अजय चौरसिया र मिथिलेश सिंह, सचिवमा उमेशलाल सहनी, सहसचिवमा सुशील साह कानु, सुनिल कुशवाहा र नुर आलम अन्सारी, कोषाध्यक्ष प्रेमकुमारी सिंह, सदस्यमा असलम आलम, अजय सर्राफ, बैजुलाल स्वर्णकार, नेक महम्मद अन्सारी, सुनिता शर्मा, सुरज मानन्धर, खैरुदिन मियाँ र प्रतिमा सिंह रहेका छन् ।आज बनेको समिति पूर्णतया बैध रहको पार्टीको संसदीय दलका सचेतक समेत रहेका नेता प्रदीप यादवले बताएका छन ।

यसैवीच बुधवार तेलीको अध्यक्षतामा समानान्तर जिल्ला कार्यसमिति गठन भएपछि तदर्थ समितिका अध्यक्ष रहेका रामनरेश यादवले एक विज्ञप्ति जारी गरेर तेलीको अध्यक्षतामा गठित समिति अवैधानिक रहेको बताएका छन् ।

May be an image of poster, newspaper and text

जिल्ला सचिव तबरेज अहमदको समेत हस्ताक्षर रहेको उक्त विज्ञप्तिमा पार्टी सङ्गठन भताभुङ्ग पार्ने, अराजक प्रवृत्ति र व्यक्तिवादी चिन्तन भएका, पटक–पटक पार्टीको नीतिनियमविरुद्धको कार्य गर्दै आएका व्यक्तिहरूको सोचमा परिवर्तन नदेखिनु पार्टीको लागि आत्मघाती भएको टिप्पणी गरेका छन् ।

पर्सामा गत निर्वाचनदेखि जिल्ला नेतृत्वको विषयलाई लिएर दुई गुटमा विभाजित नेताहरूबिच चर्को विवाद चल्दै आएकोमा बुधवार त्यसको प्रकटीकरण समानान्तर जिल्ला कार्यसमिति गठन भएको हो ।

पर्सामा जसपा भित्र जिल्ला अध्यक्ष रामनरेश प्रसाद यादव, पूर्व मुख्यमन्त्री लालबाबु राउतलगायतका नेताहरूको एक गुट छ भने अर्को गुटको नेतृत्व प्रदीप यादवले गरिरहेका छन् । यादवको गुटमा जसपाका केन्द्रीय सदस्य समेत रहेका वीरगञ्ज महानगरपालिकाका मेयर राजेशमान सिंह र जिल्ला समन्वय समिति पर्साका प्रमुख निरञ्जन साह सोनार लगायत का नेताहरु रहेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।