बिकास ,सामाजिक एकता ,शान्ति र समृद्धिकालागि खेलकुदको बिकास आवश्यकः अहमद

इसीमाना सम्वाददाता २०८० असोज ६ गते ०६: ०० मा प्रकाशित 897 पटक पढिएको

वीरगंज । मानव जीवनको स्वास्थ्यकालागि मात्र होइन समाज र राष्ट्रको पहिचान स्थापित गर्न पनि खेलकुदको भूमिका महत्वपूर्ण रहेको नेकपा एमालेका मधेश प्रदेश कमिटीका सदस्य सलाउदिन अहमदले बताएका छन ।

नेपाल खेलकुद महासंघको घोवीनी पालिका स्तरीय भेलालाई समबोधद गर्दै अहमदले खेलकुद प्रतियोगितामा प्रतिस्पर्धीलाई हराउन जुन टिम स्पिरिटमा काम गरिन्छ राजनीतिमा पनि जनताको आवश्यकतालाई पुरा गर्न त्यही रणनीति अन्र्तगत काम गर्नु पर्ने बताए ।

उनले खेलकुद सामाजिक एकता र शान्ति निर्माणको बलियो माध्यम भएको चर्चा गर्दै खेलकुदको बिकासकालागि ठोस नीति आवश्यक रहेको बताए । उनले नेपालमा खेलकुदलाई नेकपा एमालेले बिशेष महत्व दिएको बताए ।

नेपालको हरेक भुभागमा खेलिने खेलहरु फुटबल, भलिबल, क्रिकेट, टेबलटेनिस, बास्केटबल बक्सिङ, कराँते आदि खेलहरु मानव स्वास्थ्यसँग प्रत्यक्ष जोडिएका मात्र नभई पहिचान र समृद्धिसँग पनि जोडिएकोले यि खेलको संरक्षण र प्रवद्र्धनमा सरकारले बिशेष जोडदिनुपर्ने अहमदको भनाई थियो ।

कार्यक्रममा खेलकुद महासंघका केन्द्रीय सचिव शिवजी गुप्ताले खेलकुद महासंघले खेल खेलाडीको हितमा काम गर्ने बताए । उनले समग्र खेलक्षेत्रको बिकास र खेलाडीको सम्मान नेकपा एमालेले मात्र गनेृ बताए ।
भेलाले

भेलाले फैयाज अहमदको अध्यक्षतामा २५ सदस्यी महासंघको पालिका समिति गठन गरेको छ । नवगठित समितिको उपाध्यक्षमा धिरज साह, अजय कुमार, सुरज राम, महेश ठाकुर, कोषाध्यक्षमा अभिषेक प्रसाद पटेल, सचिव विशेश्वर पटेल, उपसचिव रामप्रवेश कुमार पटेल रहेको छन् ।

यसैगरी समितिको सदस्यमा धनु पाण्डे,सुरज कुमार राम, अकलेश साह, बिकी कुमार राम, मंजित पटेल, अजयराम पाल, सुन्दर तुरहा, रफिक अंसारी, गुल्फान अंसारी, बिकी पटेल, सनि पटेल, बिकाश कुमार साह, अनिस अंसारी,कन्हैया गुप्ता, अनिल साह, रवि कुमार पटेल, अनिल साह चयन भएको नेकोसका केन्द्रिय सचिव शिवजी गुप्ताले जानकारी दिए ।

धोबिनीमा भएको भेलामा एमालेका नेता वृजेश्वर चौधरी, कन्हैया द्विवेदी, सुनिल साह, विरेन्द्र साह, पन्नलाल पटेल, अजय पटेल लगायतको उपस्थिति थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।