कृषि तथा पशुपन्छी मन्त्री ज्वाला कुमारी साहले मलखाद्यको समस्या हल गर्नकालागि ७ अर्व स्रोत सुनिश्चित गरेको बताइन ।

नेपाल बुद्धिजीवी परिषद पर्साले आयोजना गरेको सम्मान कार्यक्रमलाई सम्बोधन गर्दै मंत्री साहले यस्तो जानकारी दिएकी हुन ।

हरेक वर्ष मलखाद्यको अभावमा किसानले अनेकौ समस्या भोग्नु परेको बताउदै मंत्री साहले किसानलाई राहत होस भन्नकालागि यस पटक अहिले नै ७ अर्व रुपैया स्रोत सुनिशिचत गरिएको बताइन ।

अहिलेका अर्थमंत्रीले यो समस्या राम्रोसंग बुझेकोले स्रोत सुनिश्चित भएको मंत्री साहको भनाई छ । मलखाद्य बितरणमा कतिपय ठाउमा जनप्रतिनिधिहरुले आफूलाई भोट नदिएको भन्दै काखा पाखा गरेको गुनासो आएको बताइन ।

नेकपा एमालेबाट बिजयी जनप्रतिनिधिहरुलाई त्यसो नगर्न आग्रह गर्दै अन्य कसैले पनि त्यस्तो गरे सूचना दिन आग्रह गरिन ।

उनले जो सुकै होस जुनसुकै पार्टीबाट जीतेको किन नहोस राज्यले जनतालाई दिन भनेको कुरा बिना पूर्वाग्रह दिनु पर्छ त्यसो नगर्नेलाई कडा कारवाही गरिने उनले प्रतिवद्धता जनाईन ।

आउदो समयमा कृषि क्षेत्रमा देखापरेको समस्यालाई छिटो छरितो समाधान गरि किसानहरुलाई समस्या मुक्त गर्ने , मंत्री साहले प्रतिबद्धता जनाइन।

पार्टीको पोलिटब्यूरो सदस्य समेत रहेकी साहले पार्टी भित्र रहेको बेथितिलाई समाप्त गरि पार्टीलाई गतिशील बनाउन अहिले मिशन ग्रासरुटअभियान सुरू गरिएको बताइन ।

उनले संगठनलाई सर्वोपरी मानि तल्लो स्तर देखि काम गर्दै आएका ईमान्दार कार्यकर्तालाई मुल्याङ्कन गरि अगाडी बढाउने बताइन ।

वीरगंज महानगरपालिकाको मनमोहन नगरमा रहेको नेकपा एमाले पार्टी कार्यालयमा आयोजित कार्यक्रममा नेकपा एमालेका समानुपातिक तर्फबाट निर्वाचित सांसद प्रभु हजरा, प्रदेश सांसद बिना शर्मालाई सम्मानित गरिएको हो।

बुद्धिजीवी परिषद पर्साका अध्यक्ष संतोष साहको अध्यक्षतामा सम्पन्न कार्यक्रममा नेकपा एमाले मधेस प्रदेश सचिवालय सदस्य, बिचारी यादव, जयप्रकाश थारु, सदस्य शम्भु गुप्ता, नेपाल पत्रकार महासंघका केन्द्रीय सदस्य के.सी. लामिछाने, मधेस प्रदेश महासचिव श्याम बान्जारा, नेकपा एमाले पर्सा जिल्ला सदस्य मन्तुरा चौधरी, अनिल हाजरा,लगायतको उपस्थिति रहेको थियो।

यसैवीचमधेश प्रदेशका उद्योग, पर्यटन तथा वन मन्त्री सुनिता यादव र राज्यमन्त्री रहबर अन्सारीलाई नेकपा माओवादी केन्द्र पर्साले स्वागत गरेको छ ।

शनिबार पार्टी कार्यालय वीरगञ्जमा मधेस प्रदेशको नवनियुक्त पर्यटन उधोग तथा वन मन्त्री सुनिता यादव र मन्त्री रहबर हंसारि स्वागत तथा अभिनन्दन गरिएको थियो । कार्यक्रममा माओबादी केन्द्रका जिल्ला ईन्चार्ज बिजय महतो,सचिव बालेशवर थारुले मन्त्री र राज्य मन्त्रीलाई फुलमालाले स्वागत र अभिनन्दन गरेका थिए ।