मधेश सरकारले पायो पूर्णता नवनियुक्त मंत्रीले लिए शपथग्रहण

इसीमाना सम्वाददाता २०७९ माघ २४ गते ०८: २२ मा प्रकाशित 321 पटक पढिएको

जनकपुरधाम/ मधेश प्रदेशका नवनियुक्त उद्योग, पर्यटन तथा वनमन्त्री र राज्यमन्त्रीले पद तथा गोपनीयताको सपथ लिएका छन् ।

मंगलबार प्रदेश प्रमुखको सचिवालयमा आयोजित शपथ ग्रहण समारोहमा उद्योग, पर्यटन तथा वन मन्त्रीको रुपमा नियुक्त सुनिता यादवले प्रदेश प्रमुख हरिशंकर मिश्रबाट र राज्यमन्त्रीमा नियुक्त भएका रहबर अन्सारीले प्रदेश प्रमुखको उपस्थितिमा मुख्यमन्त्री सरोजकुमार यादवबाट पद तथा गोपनीयताको सपथ लिएका हुन् ।

मधेस सरकार गठन भएयता मुख्यमन्त्रीले तेस्रो पटक मन्त्रीपरिषद् विस्तार गरेसँग मन्त्रीमण्डलले पूर्णता पाएको छ । मंत्री मण्डलमा सामेल दुबै जना नेकपा माओवादी केन्द्रका हुन ।

यादव नेकमा माओवादी केन्द्र रामबृक्ष यादवको छोरी हुन माओवादी जनयुद्धकालमा रामबृक्ष र उनका दुई छोरा सहिद भएका थिए । अन्सारी पर्साको निर्वाचन क्षेत्र नं १ को “क” बाट निर्वाचित प्रदेश सभा सदस्य हुन ।

प्रदेश सरकारमा यसअघि नै जसपा, जनमत पार्टी र नेकपा एमाले सहभागी भइसकेका छन् । तर दुई मन्त्रालय नदिएसम्म सरकारमा सहभागी नहुने अडान राखेर माओवादी सरकारमा सहभागी भएको थिएन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।