प्रेस चौतारी नेपालको केन्द्रीयप्रशिक्षण तथा बैठकको तयारी अन्तिम चरणमा, भोली २५औं स्थापनमा दिवसको अवसरमा प्रभातफेरी गरिने

इसीमाना सम्वाददाता २०७९ माघ २१ गते ०७: २७ मा प्रकाशित 480 पटक पढिएको

वीरगंज । प्रेस चौतारी नेपालको माघ २९ गते हुने केन्द्रिय कमिटीको बैठक तथा कार्यशालाको तयारी अन्तिम चरणमा पुगेको प्रेस चौतारी नेपालका प्रचार उपसमितिाका संयोजक कविता खडकाले बताएकी छिन ।

कार्यक्रमका लागि पर्सा शाखामा ६ वटा उपसमितिको संयोजक तोकिएको यस अन्तर्गत आवास व्यवस्थापन उपसमितिले आफनो पहिलो चरणको कार्य सम्पन्न गरेको प्रेस चौतारी नेपाल पर्साका अध्यक्ष श्याम बंजाराले जानकारी दिए ।

आवास व्यवस्थापन उपसमितिका संयोजक तुल्सी भण्डारीले अतिथिहरुको बसोबासका लागि बिभिन्न होटलहरुमा ८५ बटा कोठा व्यवस्थापन गरिएको तथा केन्द्रबाट आउने १ सय ८० र बिभिन्न प्रदेश बाट आउने प्रतिििनधिहरुकोलागि खाद्य व्यवस्थापन गरिएको उपसमितिका संयोजक ग्यासु मिया देवानल जानकारी दिए ।

वीरगञ्जमा शनिबार भएको उपसमितिको संयोजकहरुको बैठकले आफनो जिम्मेवरीका कामहरु द्रुतगतिमा गरिरहेको प्रेस चौतारी नेपालका पर्सा सचिव राजेन्द्र सिंहले जनाएका छन् ।

बैठकमा आवास व्यवस्थापन उपसमितिका संयोजक तुल्सी भंडारी, प्रचार प्रसार उपसमितिका संयोजक कबिता खड्का, मञ्च व्यवस्थापन समितिका संयोजक सफल खतिवडा, आर्थिक व्यवस्थापन समितिका संयोजक श्याम बंजारा, खाद्य व्यवस्थापन समितिको संयोजक ग्यासु मिया देवान, चौतारीका नेता लालबाबु शेख, के.सी लामिछाने, प्रदेश कोषध्यक्ष जितेन्द्र साह,सफल खतिवडा सदस्य अरोहण साहलगायतको उपस्थीति रहेको थियो । वीरगञ्जको क्लासीक ब्ब्याक्वेटमा भव्य रुपमा कार्यक्रम हुने जनाईएको छन् ।

यसै बिच, आईतबार प्रेस चौतारी नेपालको आफ्नौ २५ औं स्थापनमा दिवसको अवसरमा प्रभातफेरी गर्ने भएको छ । वीरगञ्ज घण्टाघरमा आईतबार बिहान ८ बजे देखि प्रभातफेरी कार्यक्रमको आयोजना गरिएको सचिव राजेन्द्र सिंहले जनाएका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।