दिल्ली । आम आदमी पार्टीकी विधायक आतिशी मार्लेनाले शनिबार साँझ दिल्लीको आदिल्ली सिथ्त राजभवनमा आयोजित समारोहमा दिल्लीका लेफ्टिनेन्ट गभर्नर वीके सक्सेनाले आतिशी मार्लेनालाई पदको शपथ दिलाएका थिए ।

आतिशीसँगै अन्य पाँच मन्त्री गोपाल राय, कैलाश गहलोत, इमरान हुसेन, मुकेश अहलावत र सौरभ भारद्वाजले पनि शपथ लिएका थिए। ७० सदस्यीय दिल्ली विधानसभामा आम आदमी पार्टीका ६४ विधायक छन्।

यस्तो अवस्थामा पार्टीभित्रका धेरै विधायकलाई अरविन्द केजरीवालको राजीनामा र आतिशी मर्लेनाको नेतृत्वमा बनेको नयाँ सरकारबाट अपेक्षा थियो।

मिडियामा पनि धेरै विधायकलाई मन्त्री बनाउने चर्चा थियो, तर जब अन्ततः शपथ ग्रहण समारोह भयो, आतिशी मार्लेना समेत आम आदमी पार्टीका ६ जना सदस्यलाई मात्र यो अवसर प्राप्त भयो।

अतिशीले मुख्यमन्त्रीको शपथ लिएपछि पहिलोपटक पत्रकार सम्मेलनलाई सम्बोधन गरेकी छन। अरविन्द केजरीवालले दिल्लीका जनताको जीवन परिवर्तन गरेका छन्। तर भाजपालाई यो मन परेन, केजरीवाललाई जेलमा हालियो पत्रकार सम्मेलनमा उनले भनिन ।

अतिशीले जब केजरीवाल जेलबाट बाहिर आएका छन्, उनले फेरि मुख्यमन्त्रीको काम लिनुको सट्टा जनताको अदालतमा जानु राम्रो हो भनेर सोचेको बताइन ।

उनले दिल्लीका नागरिकलाई अपिल गर्दै भनीन आगामी ४ महिनामा चुनाव हुन लागेको छ, तपाईँ सबैले केजरीवाललाई भारी बहुमतका साथ फेरि मुख्यमन्त्री बनाउनु पर्छ।

आतिशीले भनिन्, म दिल्लीको काम रोक्न दिन्नँ। अरविन्द केजरीवाल अहिले जेलबाट बाहिर आएका छन्। म दिल्लीका जनताको सबै रोकिएका कामहरू उनको निर्देशनमा सम्पन्न गराउने प्रयास गर्नेछु।

केजरीवाललाई तोड्न धेरै प्रयास गरियो। आतिशीले भारतीय जनता पार्टी सरकारले अरविन्द केजरीवालविरुद्ध षड्यन्त्र रचेको आरोप लगाएकी छिन्। उनीहरूविरुद्ध झुटो मुद्दा दर्ता गरियो। उनलाई छ महिनाको जेल सजाय सुनाइएको थियो। उनीहरूले त्यसलाई तोड्ने प्रयास गरे।

दिल्ली क्याबिनेटमा मन्त्री बनेपछि आम आदमी पार्टीका नेता कैलाश गहलोटले पार्टीका राष्ट्रिय संयोजकका रूपमा अरविन्द केजरीवालको मार्गदर्शन सधैँ रहने बताए।

हाम्रो एक मात्र उद्देश्य पहिले जस्तै दिल्लीका जनताका लागि काम गर्नु र अरविन्द केजरीवाललाई फिर्ता ल्याउनु हो उनले भने ।

आतिशी मार्लेनाले दिल्लीको नयाँ मुख्यमन्त्रीको रूपमा अरविन्द केजरीवालको राजीनामापछि शपथ लिएकी हुन । उनी दिल्लीकी तेस्रो महिला मुख्यमन्त्री हुन्। आतिशीले हिन्दीमा शपथ लिइन्।

शपथ ग्रहण समारोहअघि आतिशीले दिल्लीका मुख्यमन्त्री अरविन्द केजरीवाललाई उनको निवासमा गएर भेट गरेकी थिइन । महत्त्वपूर्ण कुरा के छ भने, केजरीवालको राजीनामापछि आम आदमी पार्टीको संसदीय दलले अतिशीलाई मुख्यमन्त्री पदका लागि छनोट गरेको थियो।