बिहारमा नितिशले लिए आठौ पटक मुख्यमंत्रीको शपथ,उपमुख्यमंत्रीमा यादव

इसीमाना सम्वाददाता २०७९ सावन २५ गते ०५: ३६ मा प्रकाशित 765 पटक पढिएको

भारतको बिहारमा जनता दल युनाइटेडका अध्यक्ष नितिश कुमारले आठौ पटक मुख्यमंत्रीको शपथ लिएका छन ।

भारतीय जनता पाटीसंगको गठबन्धन तोडेर आफनो पदबाट राजीनमा दिएका कुमारले लालु यादवको पार्टी राष्ट्रिय जनता दलसंग महागठबनधन निर्माण गरेर फेरी मुख्यमंत्री पदको शपथ लिएका हुन । उनको साथमा राजदका तेजस्वी यादवले पनि उपमुख्यमंत्री पदको शपथ लिएका छन ।

भारतीय संचार माध्यमका अनुसार जनता दल (यूनाइटेड) का नेता नीतीश कुमारले राज्यभवनमा आयोजीत समारोहमा शपथ लिएपछि प्रधानमंत्री नरेन्द्र मोदीको आलोचना गर्दै २०२४ मा हुने लोक सभा निर्वाचनका बारेमा चिन्ता गर्न सुझाव समेत दिए ।

आफू प्रधानमंत्रीको दौडमा नभएको चर्चा गर्दै नितिश कुमारले २०२४ को लोकसभामा निर्वाचनमा आफूले सबै बिपक्षी पार्टीलाई एकजुट भएको हेर्न चाहेको बताए । उनले बिहारमा नयाँ सरकार निकै राम्रो संग चल्ने दृढता ब्यक्त गरे ।

भाजपाले बिहारमा महागठबन्धन सरकार लामो समउ नचल्ने टिप्पणी गर्दै आएको छ । भाजपाका नेता तथा पूवै उपमुख्यमंत्री सुशिल मोदीले बिहारमा नितिश सरकारले आफ्नो कार्यकाल पुरा नगर्ने दावी गरेका छन । मोदीले राष्ट्रीय जनतांत्रिक गठबंधनलाई मतदान गर्ने मतदातालाई नितिश कुमारले अपमान गरेको बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।