कानूनको कार्यान्वयन प्रहरीको प्रथामिकताः पर्सा प्रहरी प्रमुख ढुङ्गेल

इसीमाना सम्वाददाता २०८० चैत ७ गते ०८: २३ मा प्रकाशित 336 पटक पढिएको

वीरगञ्ज । पर्साका प्रहरी उपरिक्षक कुमोध ढुंगेलले कानून कार्यान्वयन प्रहरीको प्रमुख प्रथामिकता रहेको र आफूले तदनरुपकै काम गर्ने बताएका छन ।

उनले शान्ति सुरक्षा ,अपराध नियन्त्रण अनधिकृत कारोवारको रोक्थाम लगायतका काम बाहेक अन्य कुनै नयाँ योजना आफूसंग नभएको बताए । कुनै संघ संस्थासंग सहकार्य गर्ने कुरा फरक हो अन्यथा कानूनी शासनको प्रत्याभूतीमा आफनो ध्यान रहने बताए ।

उनले सेवाग्राहीलाई प्रभावकारी सेवा दिने बारेमा आफू समबेदनशील रहेको बताए । उनले प्रहरी कार्यालयमा आम मान्छेलाई सहज प्रवेश र प्रभावकारी सेवाको ग्यारेन्टी गर्ने बताए । कोही सहयोगी लिएर आउनु नपर्ने कुराको सुनिश्चितता गर्ने बताए । सेवाग्राहीको काम गराईदिन्छु भन्दै आउनेहरुलाई निरुत्साहित गरिने उनले बताए । ।

उनले भने,‘सहयोग गर्ने नाममा आ–आफ्नो फाइदा अनुसार मान्छेहरु परिचालन हुने भएकोले त्यस्त सहयोगीको प्रवेशमा कडाइ गरिएको बताए । उनले सहयोगीहरु कति पटक कुन कुन मुद्धामा सिफारिश वा सहयोग गर्न भन्ने कुराको लगत राख्नकालागि कार्यालयमा प्रवेश गर्दा रजिष्टरमा सबै कुरा लेखेर मात्र प्रवेशको अनुमति दिइएको बताए ।

शान्ति सुरक्षाको पाटोमा कुनै कसर बाँकी नराख्ने एसपी ढुंगेलको दाबी छ ।ऐन, कानुन भन्दा एक इन्च पनि तल झरेर काम नगर्ने आफ्नो रणनीति रहेको उनको भनाइ छ ।

यसैगरी इन्टिलिजेन्सबाहेक अरु कुनै प्रहरी घुमुवा नराख्ने एसपी ढुंगेलको दाबी छ । उनले संचारकर्मीको एक प्रश्नको जवाफ दिदै राजेशमान सिंह बिरुद्ध परेको उजुरीमा अनुसन्धान भइरहेको बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।