औषधिदेखि भैँसी र खसीसम्म भन्सार छली,प्रहरीको कारबाहीमा १० लाखको सामान बरामद
वीरगन्ज । भारतबाट भन्सार छली गरी नेपाल भित्र्याइएका औषधि, लत्ताकपडा र पशुचौपायासहित १० लाख ५१ हजार ४२४ रुपैयाँ बराबरका सामान पर्सा प्रहरीले बरामद गरेको छ।
जिल्ला प्रहरी कार्यालय पर्साका अनुसार वीरगन्ज महानगरपालिकाका दुई छुट्टाछुट्टै स्थानमा गरिएको कारबाहीका क्रममा उक्त मूल्य बराबरका सामान नियन्त्रणमा लिइएको हो।
प्रहरीका अनुसार सोमवार बिहान करिब साढे नौ बजे वीरगन्ज महानगरपालिका वडा नम्बर २५ श्रीसिया खल्वास्थित क्षेत्रबाट भारतबाट भन्सार छली गरी चोरी पैठारीमार्फत भित्र्याइएका विभिन्न किसिमका औषधि बरामद गरिएको थियो। बरामद औषधिको मूल्य २ लाख ३१ हजार ६०४ रुपैयाँ रहेको प्रहरीले जनाएको छ।
त्यस्तै, वीरगन्ज महानगरपालिका वडा नम्बर १६ स्थित रजतजयन्ती चोकबाट भन्सार छली गरी ल्याइएका विभिन्न सामान नियन्त्रणमा लिइएको छ।
प्रहरीका अनुसार उक्त स्थानबाट ५ लाख ५९ हजार ८२० रुपैयाँ बराबरका लत्ताकपडा, २ लाख ५० हजार रुपैयाँ बराबरका भैँसी तथा १० हजार रुपैयाँ मूल्य पर्ने एउटा खसी नियन्त्रणमा लिइएको हो।
दुवै स्थानबाट बरामद गरिएका सामानको कुल मूल्य १० लाख ५१ हजार ४२४ रुपैयाँ रहेको जिल्ला प्रहरी कार्यालय पर्साले जनाएको छ।
नियन्त्रणमा लिइएका सम्पूर्ण सामान आवश्यक कारबाही तथा थप अनुसन्धानका लागि वीरगन्ज भन्सार कार्यालय पर्सामा बुझाइएको प्रहरीले जनाएको छ।
जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक चक्रबहादुर मल्लले प्रेस विज्ञप्तिमार्फत उक्त जानकारी दिएका हुन्।
भारतसँग खुला सीमा जोडिएको पर्सामा भन्सार छली तथा चोरी पैठारी नियन्त्रणका लागि प्रहरीले निगरानी र कारबाहीलाई निरन्तरता दिइरहेको जनाएको छ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पोखरियामा नक्कली विवरणका आधारमा अपाङ्गता परिचयपत्र जारी गर्ने दुई कर्मचारीसहित तीन जना दोषी ठहर
वीरगञ्ज । पर्साको पोखरिया नगरपालिकामा गलत विवरणका आधारमा पूर्ण अपाङ्गताको परिचयपत्र जारी गरी सामाजिक सुरक्षा भत्ता लिएको प्रकरणमा विशेष अदालतले दुई कर्मचारीसहित तीन जनालाई दोषी ठहर गरेको छ।
तरकारीका थोक कारोवारीलाई वीरगंज महानगरको २१ दिने अल्टिमेटम, व्यवस्थित थोक बजारमा जान निर्देश
वीरगंज । वीरगंज महानगरपालिकाले सडक तथा सार्वजनिक स्थानमा जथाभावी तरकारी तथा फलफूलको थोक बजार सञ्चालन नगर्न निर्देशन दिँदै व्यवसायीलाई २१ दिनभित्र तोकिएको स्थानमा स्थानान्तरण हुन अल्टिमेटम दिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
तपाईको प्रतिक्रिया