तेस्रो ठोरी गोल्डकपको शुक्रवारको खेलमा बीरगंज युनाइटेड बिजयी

इसीमाना सम्वाददाता २०८० कार्तिक ३ गते ०६: २५ मा प्रकाशित 412 पटक पढिएको

कार्तिक । बिजय दशमीको अवसर पारेर समाजसेवी स्व. राम ब. श्रेष्ठको स्मृतिमा पर्साको बिजयबस्तीमा जारी तेस्रो ठोरी गोल्डकप २०८० मा शुक्रवारको दोस्रो सेमिफाइनल खेल बीरगंज युनाइटेड क्लब बीरगंज र हेटौंडा फुटबल एकेडेमी हेटौंडा बीच सम्पन्न भएको छ ।

आज भएको खेलमा हेटौंडा फुटबल एकेडेमी लाई ३ शून्य ० गोलले हराउदै बीरगंज युनाइटेडले जीत निकालेको छ । आजको खेलको उत्कृष्ट खेलाडी ( म्यान आफ दि म्याच ) युवाराज खड्का घोषित भए ।

अब फाइनल खेल कार्तिक ६ गते ( नवमिको ) दिन दिउँसो २ .३० बजेबाट सुरु हुनेछ । सेमिफाइनल खेलमा बाग्मती युबा क्लब सर्लाहीले निर्मल समाज युवा क्लब र बीरगंज युनाइटेडले हेटौंडा फुटबल एकेडेमी लाई हराउदै फाइनलमा भेट पक्का गरेका हुन ।

“स्वास्थका लागि खेलकुद राष्ट्रका लागि खेलकुद ” भन्ने मुल नाराका साथ असोज २० गतेदेखि सुरु भएको प्रतियोगितामा कुल १६ टिमको सहभागीता थियो ।

प्रतियोगिताको प्रथम हुने टिमले ३ लाख दितिय हुने टिमले १ लाख ५० हजार पुरस्कार साथमा सशल्ड मेडल र प्रमाणपत्र पाउने छन ।

साथै उत्कृष्ट खेलाडी , उत्कृष्ट गोलकिपर , र सर्वाधिक गोलकर्ताले पनि आकर्षक पुरस्कार पाउनेछन भने प्रत्येक खेलको उत्कृष्ट खेलाडी (म्यान अफ दि म्याच ) ले नगद २५ सय पाउने छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।