वीरगंज । वीरगंज महानगरपालिका वडा नं. १५ अन्तर्गत लक्ष्मणवा र भेड़ियाही टोलमा नेकपा एमालेको आयोजित घरदैलो उत्साहपूर्ण रुपम ासम्पन्न भएको छ ।
कार्यक्रममा सयौं स्थानीय उपस्थित रहेका थिए। घरदैलोमा स्थानीय नागरिकको सहभागिताले सामाजिक एकता र नेतृत्वप्रतिको भरोसा थप बलियो बनाएको वडा नं १५ का वडाध्यक्ष रमेश यादवले बताए।
नागरिकबाट पाएको माया, साथ र उत्साहजनक सहभागिताले आफूलाई पनि उत्साहित बनाएको नेकपा एमालेका उम्मेदवार प्रदीप यादवले बताए ।
स्थानीय आमा दिदी बैनीहरुले माला लगाईदिनु भयो , सगुनको दही खुवाउनु भयो यो एमाले र त्यसको उम्मेदवार प्रतिको निस्वार्थ सम्मान र सदभाव हो भन्ने आफूले बुझेको नेता यादवले बताए ।
उनले स्थनीय नागरिकले उठान गर्नु भएका समस्या दिनु भएका सुझाव, तथा अपेक्षाहरूलाई गम्भीरतापूर्वक आफूले लिएको बताए। उनले भने, “त्यहाँको सहयोग र सहभागिताले मलाई जिम्मेवार, प्रतिबद्ध र जनउत्तरदायी बन्न अझ प्रेरित गरेको छ।”
उममेदवार यादवले आगामी दिनमा विकास, सुशासन र समृद्धिका लागि योजना तथा कार्यहरूलाई गति दिने प्रतिबद्धता व्यक्त गर्दै, साझा प्रयास, एकता र सहकार्यबाट वीरगंजलाई राम्रो हाम्रो वीरगंज बनाउने प्रतिवद्धता ब्यक्त गरे ।
स्थानीयवासीहरूले कार्यक्रमसँगै खुलेर आफ्ना समस्याहरू, सुझाव र अपेक्षाहरूबारे प्रस्तुत गरे। कतिपयले आधारभूत पूर्वाधार, स्वास्थ्य तथा कृषि सम्बन्धी आवश्यकताहरूमा ध्यान दिन आग्रह गरेका थिए भने युवा वर्गले रोजगारी र उद्यमशीलता सृजना सम्बन्धी पहलको माग उठाएका छन्।
कार्यक्रममा नेकपा एमालेका केन्द्रीय सदस्य प्रभू हजराले आगामी निर्वाचनका लागि समुदायको समर्थन र सहयोगमा विश्वास व्यक्त गर्दै, सबै नागरिकलाई समान मनोभावले फाल्गुण २१ मा हुने निर्वाचनमा सूर्य छापमा मतदान गरी भारी बहुमतका साथ विजय दिलाइ दिन आह्वान गरे ।
तपाईको प्रतिक्रिया