समावेशिताको राग अलाप्ने जसपाको प्रदेश पदाधिकारीमा छैनन गैर मधेशी

इसीमाना सम्वाददाता २०७८ मंसिर १५ गते ०८: ४३ मा प्रकाशित 494 पटक पढिएको

जनता समाजवादी पार्टीले रामबाबु यादवको नेतृत्वमा मधेश प्रदेश समिति घोषणा गरेको छ ।

बुधबार जनकपुरधाममा प्रदेश समितिका पूर्व अध्यक्ष विजय कुमार यादवले रामबाबु यादवको नेतृत्वमा ११ सदस्यीय समिति घोषणा गरेका हुन् ।

समितिमा एक अध्यक्ष, पाँच उपाध्यक्ष, एक मुख्यसचिव, ३ सचिव र एक कोषाध्यक्षको नाम घोषणा गरिएको हो ।

उपाध्यक्ष पदमा रामपृत पासवान, शम्भु झा, शेष नारायण यादव, वृजमोहन तिवारी र राम सेवक यादव छन् भने मुख्य सचिवमा दिनेश कुमार यादव, सचिवमा युसुफ अलि, निरा साह शैलेश कुमार साह र कोषाध्यक्षमा रेणु यादवलाई चयन गरिएको जसपाका केन्द्रिय कार्यकारिणी सिमति सदस्य समेत रहेका मन्त्री विजयकुमार यादवले बताए ।

समावेशिताको राग अलाप्ने जसपाले आफनो पदाधिकारीमा एक जना पनि जनजाती आदीवासीलाई समेटन सकेको छैन । प्रदेश नं २ मा रहेको गैर मधेशी समुदायलाई पनि पदाधिकारीमा समेटन सकेको छैन ।

आफनै संरचना समावेशी बनाउन नसक्ने जसपाले समावेशिताको नारा भने निकै लगाउने गरेको छ । प्रदेश २ को धनुषा बाहेकका जिल्लामा थारु समुदायको सघन बस्ती रहेको छ ।

जसपाको नेतृत्वमा रहेको प्रदेश सरकारले तमाङ समुदायको लोसारमा सार्वजनीक बिदा दिएर समावेशिताको नमुना प्रस्तुत गर्छ तर आफनै पार्टीको संरचनामा भने समावेशि अनुहार देखाउन रुची देखाउदैन । प्रदेश समितिमा चयन भएका पदाधिकारीको चेहराले त्यही देखाउछ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।