मधेसका गृहमन्त्री लेखीलाई भूमिगतका गोइतको धम्की,सुरक्षा निकायलाई सुरक्षा ब्यवस्था चुस्त पार्न कडा निर्देशन

इसीमाना सम्वाददाता २०८१ मंसिर १४ गते ०६: ३७ मा प्रकाशित 170 पटक पढिएको

बीरगंज । मधेस प्रदेशका गृह, सञ्चार तथा कानुनमन्त्री राजकुमार लेखीलाई भूमिगत समूहले धम्की दिएको छ । जनतान्त्रिक तराई मुक्ति मोर्चाका संयोजक जयकृष्ण यादवले लेखीलाई तह लगाउँछु भन्दै धम्की दिएका हुन ।

मन्त्रालयमा पत्रकार सम्मेलनको आयोजना गरि मन्त्री लेखीले भुमिगत सशस्त्र समुह जनतान्त्रिक तराई मुक्ति मोर्चाका जय कृष्ण गोइतले आफुलाई पछिल्लो केहि महिना देखि पटक पटक फोन गरेर आर्थिक सहयोग गर्नुपर्ने र आफुले सक्दिन भनेपछि कसरी सक्नु हुन्छ मैले जान्या छु भन्दै धम्काउने गरेको बताएका छन ।

आर्थिक सहयोग दिन अस्वीकार गरेपछि आफूलाई धम्की दिएको मन्त्री लेखीले बताए ।ह्वाट्स एपमा तीनपटक फोन गरेर आर्थिक सहयोग माग्नुभयो मन्त्री लेखीले भने “ मैले आर्थिक सहयोग दिन सक्दिनँ भने” । गोइतले मन्त्री भएको बेला सहयोग गर्नु नत्र तह लगाउने भन्दै धम्की दिएका थिए ।

उक्त समूहले तराईमा आपराधिक गतिविधि सञ्चालन गर्दै आएको उनको भनाइ छ। सप्तरी निवासी लेखी र यादव कुनै समय एमालेबाट सँगै राजनीति गर्थे।

यादव सप्तरीको एमाले अध्यक्ष रहँदा लेखी काठमाडौं(सप्तरी सम्पर्क मञ्चका नेता थिए। त्यसबेला उनीहरूबीच घनिष्टता पनि रहेको बताइन्छ।

तर, आपराधिक गतिविधिमा लागेपछि उनीहरूबीच सम्पर्क विच्छेद भएको लेखीले बताए। सरकारमा छौं, आर्थिक सहयोग गर्नुपर्‍यो भन्दैमा राज्यको पैसा दिने कुरा त हुँदैन, मन्त्री लेखीले भने।

यस विषयमा मधेस प्रदेशको सुरक्षा समन्वय बैठकमा छलफल गरेको लेखीले बताए। मधेस प्रदेशको सुरक्षा व्यवस्था जटिल बन्दै गएको भन्दै बैठकमा उनले सुरक्षा निकायलाई कडा निर्देशन दिएको स्रोतले बतायो।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।