वीरगंज, १६ जेष्ठ।पर्साका प्रमुख जिल्ला अधिकारी लोकनाथ पौडेलले जोशमा होश गुमाउदा ठुलो आलोचना खेप्नु परेको छ । जेठ १४ गते जिल्ला प्रशासन कार्यालयमा दुर्गन्धीत अवस्थामा रहेको शौचालयको रेडियो रिपोर्ट बनाउन गएका स्थानीय पत्रकार प्रणय साहलाई दलाली गर्न आएको भन्दै सात्तो लिएपछि प्रजिअको आलोचना हुन थालेको हो ।

रेडियो रिपोर्टकोलागि प्रजिअको वाइट लिन उनको कार्यकक्षमा प्रवेश गरेर नमस्कार मात्र गरेका पत्रकार साहलाई प्रजिअ पौडेलले “तपाई सेटिङ्ग मिलाउन आउनु भएको दलाली गर्न आउनु भएको भन्दै थर्काएका थिए । नमस्कार गरेको हात तल झर्न नपाउदै एक्कासी गाली खान थालेपछि पत्रकार साहले पनि प्रतिवाद गरे । उनको प्रतिवादमा प्रजिअ पौडेलले“बीरगंजका पत्रकारको धन्दा दलाली गर्नु हो मलाई राम्रैसंग थाहा छ ” भनेका थिए ।

प्रमुख जिल्ला अधिकारीको रौद्र रुप देखेपछि पत्रकार साहले मोवाईल अन गरे रेकर्ड गर्न थाले । रेर्कड गर्न थालेको देखेपछि कडकिएका प्रमुख जिल्ला अधिकारी नरम हुदै मात्र गएनन । पत्रकार साहको प्रशंसा गर्दै क्षमा याचना पनि गरे । तर ममिला यति किन सल्टिन्थ्यो र १५ गते प्रमुख जिल्ला अधिकारी ठोरी अनुगमनमा गएकोले बुधवार पर्सेली पत्रकारहरु साढे १० बजे दलवल सहित प्रमुख जिल्ला अधिकारीको कार्यकक्षतिर लागे ।

 पत्रकार महासंघ पर्साका अध्यक्ष श्याम बन्जारा सचिव युवराज खड्काले प्रमुख जिल्ला अधिकारीसंग समय माग गरेका थिए । समय लिएर गएका पत्रकारले ११ बजे सम्म प्रवेश नपाएपछि आक्रोश बढ्दो थियो । उता पत्रकारको दलबल देखेर नै होला पर्साका प्रहरी प्रमुख प्रमुख जिल्ला अधिकारीको कार्यकक्षमा प्रवेश गरे पछि मात्र पत्रकारलाई प्रवेश दिइयो ।

पत्रकारहरुको अगाडि पर्साका प्रमुख जिल्ला अधिकारी पौडेलले “आफूले सामुदायीक लांक्षना नलगाएको असमझदारीबस यस्तो भएकोमा क्षमा प्रार्थी छु ” । तर आधीघण्टा बाहीर प्रतिक्षा गर्नु परेको रिस समेत खेपेका पत्रकारले “पत्रकारीताको नाममा गोरखधन्दा चलाउने दलाली गर्नेहरुको बिषयमा छानविन गर्ने कारवाही गर्ने कुर्सी बसेर दालाल भन्न नपाइने भन्दै अनुसन्धान गरेर कारवाही गर्न चुनौती दिए” । प्रमुख जिल्ला अधिकारीले यस्तो गर्ने आँट गरे पत्रकार महासंघले सहयोग गर्ने समेत पत्रकारका अगुवाहरुले बचन दिएका थिए ।

पत्रकारहरुले शासकीय चिन्तन बोकेर पर्साका आएका प्रजिअलाई नियतमा समेत परिर्वतन ल्याएर काम गर्न चेतावनी दिएका छन । १० वर्ष अगाडि बीरगंज महानगरको कार्यकारी अधिकृत भएर बसेका प्रजिअ पौडेललाई बेला त्यही हो भन्ने नठान्न समेत पत्रकारले चेताएका छन ।

पत्रकारको टोलीमा नेपाल पत्रकार महासंघ प्रदेश २ का उपाध्यक्ष के.सी.लामिछाने,पर्सा अध्यक्ष श्याम बन्जारा,पूर्व केन्द्रीय सदस्य महेश दास पर्साका उपाध्यक्ष अनुप तिवारी सचिव युवराज खडका भूषण यादव प्रदेश सदस्य जगत राई आर.के.पटेल शेखर छत्कुली श्रवण साह मनोज पटेल निरज पिठाकोटे लगायतका पत्रकारका बिभिन्न संसघसंस्थाका प्रतिनिधि तथा आम संचारकर्मीहरुको सहभागिता रहेको थियो ।