टिकुलीयाघाटको पुल नबन्दा स्थानीयलाई सास्ती पप्पु कन्स्ट्रक्सनलाई मस्ती
गौर २५ बैशाख ।
रौतहटको सदरमुकाम गौरलाई औरैया नगरपालिकासंग जोड्ने टिकुलीया घाटको पूल नबन्दा त्यस क्षेत्रका नागरिकले निकै सास्ती खेप्नु परेको छ । ठेकेदार पक्षको लापरवाहीका कारण पुल नबनेको स्थानीयको आरोप छ ।
बर्षायाम शुरु हुन लागेको छ । बकैयामा आउने बाढी र हिलाम्मे सडकले औरैया नगरवासीलाई गौर पुग्न निकै सकस हुने गरेको छ । तर पुल निर्माणको जिम्मा लिएको नेपालकै “क”श्रेणीको निर्माण कम्पनी पप्पु कन्सट्रक्सन नागरिकको यो पीडालाई बुझ्ने प्रयास गरेको छैन । मुनाफा आर्जनमा दौडेको निर्माण कम्पनीले समाज कल्याणको काम गर्नु “आकाशको फल आँखा तरि मर ”भने जस्तै हुने ठान्दछन औरैया नगरवासी ।
टिकुलीयाघाटमा बन्दै गरेको बकैया पुल समयमै नबन्दा स्थानीय नागरिक आक्रोशीत छन । तत्कालीन प्रधानमंत्री शुसिल कोइरालाद्वारा शिलान्यास गरिएको पुल निर्माण नहुदा राजनीतिक रुपमा नेपाली कांग्रेसलाई समेत घाटा पुगेको छ ।
राजनीतिक उपस्थितिकालागि मात्र पुलको शिलान्यास भएको जस्तो लागेको स्थानीयले बताए । रौतहटको २ नम्बर क्षेत्रका नागरिकको सदरमुकासंगको सम्बन्ध बर्षायाममा पुल नबनेकै कारण सम्बन्ध टुटने गरेको स्थानीय भूवनेश्वर शाहीले बताए ।
निर्माण कम्पनीले भने पुल निर्माणको अवधी बढाउन माग गर्दै तालुकवाला अड्डामा निवदेन दिएको बुझिएको छ । रौतहटका सडक बिभागका प्रमुख सुमन महतोले भने आफू नयाँ आएकोले त्यस बिषमा बुझ्ने प्रतिक्रिया दिएका छन ।
२ सय २५ मिटर लम्बाई भएको पुल निर्माण शहरी बिकास मंत्रालयसंग १६ करोड ८६ लाख रुपैयामा पप्पुले ठेक्का सकार गरेको थियो । पुल निर्माण गरि हस्तान्तरण गर्ने समय सकिदा समेत आधा पनि काम नसकिएको अवस्था छ ।
काम बारे गौर नगरपालिकाका मेयर अजय कुमार गुप्ताले पर्साको क्षेत्र नं ३ बाट निर्वाचित सासद तथा कम्पनीका मालिक हरिनारयण रौनीयारसंग चासो राख्दा रौनीयारले पुल निर्माणको काम बेलैमा सक्न आफूले प्रयास गरिरहेको जानकारी दिएको स्रोतले बताएको छ ।
समयमा पुल बन्न नसक्दा औरैया,बन्जराह,मठिया ,जोकाहा,जटहरा लगायतका गाउँका जनता भने मर्कामा परेका छन । रौनीयारका कारण समस्यामा परेका रौतहटबासी उनकोे बिकास र समृद्धिको नारा फलाकेर नथाक्ने बानी देखेर भने तीन छक्क परेका छन ।
सम्बन्धित शीर्षकहरु
सीमापारी/अन्तराष्ट्रिय
भारतको अप्रेशन सिन्दुर,पाकिस्तान नियन्त्रित नौ स्थानमा मिसाइल आक्रमण
वीरगंज। भारतले बुधबार पाकिस्तान र पाकिस्तान नियन्त्रित कश्मीर (पीओके) मा रहेको ‘आतङ्कवादी केन्द्रहरु’ नौ स्थानमा हमला गरेको घोषणा गरेको छ ।
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
खयर लोड गरिएको ट्रक नियन्त्रणमा, निकुञ्जले चेकजाँच गर्दै, रक्षकहरु नै भक्षक भएको आरोप
वीरगंज । छुटपूर्जी भन्दा बढी काठका गोलिया लोड गरेको आशंकामा सशस्त्र प्रहरीले एउटा ट्रक नियन्त्रणमा लिएको छ । नियन्त्रणमा लिएको ट्रक भित्र भएको काठको बिषयमा चितवन राष्ट्रीय निकुञ्जबाट आएको टोलीले छानविन गर्ने भएको छ ।
रिलिफको ३४ औं स्थापना दिवस, समाजको बिभिन्न क्षेत्रमा योगदान दिने पाँच ब्यक्तित्व सम्मानीत
वीरगञ्ज । रिलिफ सोसाइटी अफ कमर्सले आफ्नो ३४औं स्थापना दिवस तथा बुद्ध पूर्णिमा जयन्तीको अवसरमा बिभिन्न क्षेत्रमा योगदान दिने पाँच ब्यक्तिलाई सम्मान गरेको छ ।
खेलकुद
अखिल नेपाल फुटबल संघको साधारण सभामा पूर्व अध्यक्ष गणेश थापालाई रोक
धुलिखेल । अखिल नेपाल फुटबल संघ(एन्फा) आफ्ना पूर्व अध्यक्ष गणेश थापालाई साधारण सभामा सहभागी हुन बाट रोक लगाएको छ।
तपाईको प्रतिक्रिया