नारायणी उपक्षेत्रीय अस्पताल आफै घाइते, हजारौको सामान कौडीको मोलमा बेचीयो
वीरगंज, २१ चैत
नारायणी उपक्षेत्रीय अस्पतालमा रहेका करोडौं मूल्यको सामान कौडीको मूल्यमा बेचेको तथ्य सार्वजनिक भएको आजको प्रतीक दैनीकमा समाचार छ ।
चालू हालतको सामान्य मरम्मत गरी प्रयोगमा ल्याउन सकिने अवस्थामा रहेको फलाम, काठ र प्लास्टिकका सामानहरू ठेक्काबाट बिक्री गरेको प्रमाण भेटिएको छ । अस्पतालले २०७४/७/१२ गते सूचना प्रकाशित गरी २८२ वटा सामान ८८ हजार ९ सय ७ मा बिक्री गरेको पाइएको छ ।
सूचना सार्वजनिक गरेपछि १३ वटा संस्थाले सो सामान खरिद गर्न निवेदन दर्ता गराएकोमा आपसी मिलोमतो गरी अन्यले च्याँखे थापी रकम खाएको र प्रिमियम इन्टरप्राइजेज वीरगंज–६ ले बढाबढ लिलाममा सामान सकार गरेको देखिन्छ ।
तत्कालीन मेसु डा. चित्तरञ्जन साह, स्टोरकिपर वीरेन्द्रप्रसाद चौधरी तथा कर्मचारी अशोक श्रीवास्तवलगायत अन्य कर्मचारीको मिलोमतोमा सो सामान बिक्री गरेको कर्मचारीहरूले बताएका छन् ।
चारवटा एक्सरे मेशीन २ हजारमा, फलामे बेड ३ सय, अपरेशन टेबुल ५ सय, बिरामी जाँच्ने फलामे टेबुल १० रुपैया, काठको टेबुल ५ रुपैया, आल्मुनियम केतली १० रुपैया, काठको आलमारी ३० रुपैया, गोदरेज ट्रली १० रुपैया, जेनेरेटर १ हजार, एयरकन्डिशनर मेशिन १ हजार, काठको ¥याक ७५ रुपैया, माइक्रोस्कोप २ सय, मोटरपम्प ५ सय, एयरकूलर ५ सय, स्टीलको बाटा ३० रुपैया , इपिजिओटोमी सिजर २ रुपैया, सिलिङ पङ्खा ५० रुपैया, अल्ट्रासाउन्ड मेसिन १ सय, मेशीन ट्रली २५ रुपैया , नर्स डिउटी टेबुल धारासहित १००, लेजर प्रिन्टर २ सय, सामसुङ वासिङ मेशीन १ सय, आल्मुनियम सिढी ५० रुपैया, ग्याँस गिजर १ सयलगायत २ सय ८२ वटा सामान कौडीको मूल्यमा बिक्री गरेको पाइएको छ ।
१ क्विन्टलसम्म वजन रहेको फलामे बेड मात्र रु ४५ मा बिक्री गरिएको छ । जबकि बजारमा कबाडी खुद्रा मूल्यमा प्रतिकिलो फलाम रु २२ मा बिक्री हुँदै आएको छ । महँगो मूल्यका प्लास्टिक तथा इलेक्ट्रोनिक सामान कबाडी मूल्य लगाई बेचेको देखिन्छ ।
चालू हालतमा रहेको र सामान्य मरम्मतपछि प्रयोग गर्न सकिने एक्सरे मेशिन पनि कौडीको मूल्यमा बेचिएको छ । ठेक्का गर्नु अघि अस्पतालले विभागबाट स्वीकृति लिंदा विभागमा रहेका परामर्शदाता लाइफलाइन बबरमहलका केबी पौडेलले मूल्याङ्कन गरेको र सो आधारमा सामान बिक्री भएको अस्पतालको भनाइ छ ।
कर्मचारी स्रोतका अनुसार १ करोडभन्दा बढी मूल्यको सो सामान ठेकेदार कम्पनीलाई रु ८८ हजार ९ सय ७ मा बिक्री गरेको र सो सामान ३ ट्रक, ४ ट्याक्टरमा लोड गरी ठेकेदारले लगेको बताइएको छ ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
५८ जनाले गरे रक्तदान, राउन्ड टेबल नेपाल वीरगञ्ज र रोट्र्याक्ट क्लबलाई , रेडक्रस पर्साले दियो धन्यवाद
वीरगञ्ज । वीरगञ्जमा राउन्ड टेबल नेपाल वीरगञ्ज र रोट्र्याक्ट क्लब अफ वीरगञ्ज मेट्रोपोलिसको संयुक्त आयोजनामा वीरगंजमा ५८ जनाले रक्तदान गरेका छन्।
सडकका खाल्डाखुल्डी पुर्ने र अव्यवस्थित तार हटाउन मानगर तात्यो
वीरगञ्ज । सडक विस्तारका क्रममा वीरगञ्ज महानगरपालिकामभित्र देखिएका खाल्डाखुल्डी र अव्यवस्थित बिजुलीका तार व्यवस्थापनको काम तीव्र पारिएको छ।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया