बन कर्मचारीकै मिलोमतोमा काठको अवैध चोरी निकासी भइरहेको अरोप

4/1/2018 गते 00 00 मा प्रकाशित 830 पटक पढिएको

बीरगंज १९ चैत ।
बनगस्ती टोलीले १५ थान गोलीया काठ र साइकल बरामद गरेको छ । पटेर्वा गाउपालिकाको रंगपुर रेन्जपोष्टमा रहेको बन कार्यालयले चोरी निकासी हुदै गरेको काठ र साइकल नियन्त्रणमा लिएको हो ।

काठ तस्करहरु फरार भएको बताइएको छ । रंगपुर रेन्जपोष्ट भन्दा ५ सय मिटर पूर्वपट्टीको बाटामा ३ वटा साइकल र गोलीया काठ बरामद गरेको सहायक बन अधिकृत खुरदुस मियाले बताए ।

आज बिहान रंगपुर बजारको पश्चिम पट्टी रहेको बकुल गाउँभन्दा माथि ८ वटा गोलीया र साइकल फेला परेको छ । त्यस्तै जमुनिया खोलाको छेउ जंगल भित्रै ७ वटा गोलीया पगस्ती टोलीले फेला पारेको छ ।

बिशेष सूचनाको आधारमा परिचालीत भएको बन गस्तीटोलीले बन कार्यालयको छेउबाटै काठको तस्करी भइरहेको घटना सार्वजनीक गरेको छ ।

पहिल्लो ३ वटा साइकल र गोलीया काठ रंगपुरकै लाल बहादुर राम धुरन मुसहर र मेघु माझीको रहेको स्थानीयले बताएका छन ।

रंगपुर रेन्जपोष्टमै कार्यरत बन कर्मचारी मित्रदेव चौधरी र शंकर र्चौधरीले तस्करहरुसंग नजरानालाई अवैध रुपमा काठ निकासीको वतावरण बनाउदै आएको स्थानीयले आरोप लगाएका छन ।

आरोप लागेका कर्मचारीको बिषयमा अनुसन्धान शुरु भएको पर्साका जिल्ला बन अधिकृत राजेश्वरमान श्रेष्ठले बताएका छन । आरोपीत कर्मचारीहरुलाई कारवाही शुरु भएको उनले बताएका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।