बर्दिवास। करिब तीन महिनादेखि फरार रहेका आफ्नै बुवाको हत्या आरोपित छोरा, अजय कुमार ठाकुरलाई महोत्तरी प्रहरीले पक्राउ गरेको छ ।
गत भदौ २४ गते राति भएको पारिवारिक विवादका क्रममा जोगेन्द्र ठाकुरमाथि हतियार प्रहार गरी हत्या गरेको आरोपमा फरार रहेका अजय ठाकुरलाई प्रहरीले मंसिर ६ गते नियन्त्रणमा लिएको हो।
जिल्ला प्रहरी कार्यालय महोत्तरीले जारी गरेको विज्ञप्तिअनुसार, अजय ठाकुरलाई जलेश्वर नगरपालिका–१२ मा लुकिछिपी बसेको अवस्थामा पक्राउ गरिएको हो।
घटनापछि उनी सतर्कतापूर्वक फरार रहेका कारण प्रहरीले लामो समयदेखि खोजी र निगरानी जारी राख्दै आएको थियो।
प्रहरीका अनुसार, भदौ २४ गते घरभित्रै उत्पन्न विवाद छोराबीच झगडामा परिणत हुँदा अजयले बुवामाथि हतियार प्रहार गरेका थिए। गम्भीर चोटपटकका कारण तत्कालै जोगेन्द्र ठाकुरको मृत्यु भएको थियो।
अजय ठाकुरलाई अहिले कानुनी कारबाहीका लागि सम्बन्धित कार्यालयमा बुझाइएको प्रहरीले जनाएको छ।
तपाईको प्रतिक्रिया