logo

बिन्दवासीनी चौरसिया हत्या प्रकरण, केन्द्रीय नेता सहित १५ बिरुद्ध पक्राउ पूर्जी जारी,अनुसन्धानकालागि प्रसौनीबाट गद्धी गिरफ्तार

      11/23/2020 गते 00 00 मा प्रकाशित     1538   पटक पढिएको

प्रहरीले बिन्दवासीनी गाउँपालिकाको वडा नं ५ प्रसौनी बाट शवदिन राउत गद्धीलाई गिरफ्तार गरेको छ । कार्तिक ६ गते सोही ठाउमा  भएको नेकपाको शपथ ग्रहण कार्यक्रममा भएको झडपमा परि मृत्यु भएका नेकपाका नेता मुकेश चौरसियाको हत्या प्रकरणसंग जोडिएर उनको गिरफ्तारी भएको प्रहरी स्रोतको भनाई छ ।

 

जिल्ला प्रहरी कार्यालय पर्सा र इलाका प्रहरी कार्यालय पोखरियाको संयुक्त टोलीले उनलाई घरबाटै गिरफ्तार गरेको हो । गुडिया देवीले दिएको किटानी जाहेरीमा शवदिन राउत गद्धीको नाम उल्लेख छ । राउत  चौरसिया हत्या प्रकरणका एक जना प्रतिवादी हुन पर्सा प्रहरीका प्रवक्ता मनोजीत कंवरले भन्नु भयो “त्यही केशमा अनुसन्धान प्रयोजनाकालागि राउतलाई गिरफ्तार गरिएको हो ” ।


गुडिया देवीले दिएको किटानी जाहेरी दर्ता भएर पक्राउ पूर्जी जारी भएपछि प्रहरीले गिरफ्तारी शुरु गरेको स्रोतको दावी छ । नेकपा विन्दवासिनी गाउँपालिका कमिटिका सचिव मुकेश चौरसियाको हत्यामा संलग्न रहेको आरोपमा नेकपाका केन्द्रीय नेता नागेन्द्र चौधरी रामचन्द्र साह सहित १५ जना बिरुद्ध अनुसन्धान गर्न पर्सा प्रहरीले निर्देशन पाएको थियो।

 

 प्रहरीले त्यही मुद्धा दर्ता गरेपछि पक्राउ पूर्जी जारी भएको हो ।१५ जना प्रतिवादी बिरुद्ध पक्राउ पूर्जी जारी भएको जिल्ला प्रहरी कार्यालय पर्साका प्रवक्ता डिएसपी मनोजीत कुंवरले पुष्टि गर्नु भयो । यो भन्दा अगाडि संविधान सभाका सदस्य राजकुमार गुप्ता सहित अन्यका बिरुद्ध पनि पक्राउ पूर्जी जारी भएको थियो ।  

 

नेकपाको केन्द्रीय कमिटीका सदस्य एवं प्रदेश २ का सह इन्चार्ज नागेन्द्र चौधरी , पार्टीका केन्द्रीय सदस्य एवं पर्सा इन्चार्ज रामचन्द्र साह , पार्टीको प्रदेश कमिटीका सदस्य छोटेलाल यादव, पार्टीको जिल्ला कमिटीका सदस्य बिक्रम चौरसिया सहितका नेताहरुका बिरुद्ध पक्राउपूर्जी जारी भएको हो । स्रोतका अनुसार पाँच दिन पहिला नै पक्राउ पूर्जी जारी भएको थियो ।  यसैवीच हिजो गिरफतार गरिएका अखिलेश चौरसियालाई अनुसन्धानकोलागि न्यायीक हिरासतमा राख्न प्रहरीले पर्सा जिल्ला अदालत मार्फत म्याद लिएको छ । अव चौरसिया हत्या प्रकरण न्यायीक फैसलाकालागि अदालती प्रक्रियामा प्रवेशको नजिक पुगेको छ । 

 

त्यसैगरि बिन्दवासीनी गाउँपालिकाका परशुराम यादव, चंचल यादव,होदा राउत गदी,महादेव चौहान,कलसरीफ राउत गदी,सभासद राउत गदी,सवादिन राउत गदी ,रुषत्तम राउत गदी,मोहन यादव,जितेन्द्र चौरसिया र समन साह बानिया बिरुद्ध पनि पक्राउ पूर्जी जारी भएको छ  । 


किटानी जाहेरी दिने गुडिया देवीले  उत्तम तिवारी, पुकार तिवारी भन्ने चिन्टु तिवारी र मुकेश चौरसियालाई मार्ने उद्धेश्यले जाहेरीमा उल्लेख गरिएका प्रतिवादीहरुले आक्रमण गरेको दावी लिनु भएको छ ।

 

उहाँले घाइते भएका चौरसियाको मृत्यु भएको र अन्य घाइतेको उपचार भइरहेको भन्दै  कारवाहीको माँग गर्नु भएको हो । बिपक्षीहरुले घेराहाली आक्रमण गरेको उहाँको दावी छ । 

यस अघि प्रहरीले चौरसियाको हत्या आरोपमा घाइते रहेका उत्तम तिवारीलाई भने गिरफ्तार गरेको छ । चौरसियाका भाई महेश चौरसियाले दिएको किटानी जाहेरीमा राजकुमार गुप्ता सहितका ब्यक्तिहरुले हत्या गरेको दावी लिइएको छ । यद्धपी राजकुमार गुप्ता घटना स्थलमा नभएको उनीहरुले नै बताउने गरेका छन । 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

भारतमा लोकतन्त्रमाथि संकट,चुनावी निरंकुशता कायमः वी-डेम

नयाँ दिल्ली। वेराइटीज ऑफ डेमोक्रेसी (प्रजातन्त्रका विविधताहरू) नामक संस्थाको लोकतन्त्र रिपोर्ट २०२४ अनुसार, भारतमा अझै पनि विभिन्न सूचकहरूमा कम अंकको साथ चुनावी निरंकुशता कायम छ।

भारतमा मिडीयामाथि “बेशर्म हमला”लोकतन्त्रकोलागि राष्ट्रपति द्रौपदी मुर्मुसँग हस्तक्षेप गर्न आग्रह

बीरगंज । गत सोमबार भारतको नयाँ दिल्लीमा विभिन्न सञ्चारमाध्यमले संविधानबमोजिम अभिव्यक्ति स्वतन्त्रता, पेशा र जीविकोपार्जनको सुरक्षा सुनिश्चित गर्न राष्ट्रपति द्रौपदी मुर्मुसँग हस्तक्षेप गर्न आग्रह गरेका थिए ।

खेलकुद

जीतपुरसिमरा क्रिकेट कपको उपाधि मकवानपुरलाई, पर्सा ७ विकेटले पराजित

सिमरा । प्रथम जीतपुरसिमरा क्रिकेट कपको उपाधि मकवानपुर क्रिकेट संघले जितेको छ । जीतपुरसिमरा ४ स्थित सेज क्रिकेट मैदानमा शनिबार सम्पन्न फाइनल खेलमा पर्सा क्रिकेट संघलाई ७ विकेटले पराजित गर्दै मकवानपुरले उपाधि उचालेको हो ।

जीतपुरसिमरा क्रिकेट प्रतियोगीता, जनकपुरद्धारा भैरहवा ४८ रनले पराजित

सिमरा । जीतपुरसिमरा क्रिकेट कप प्रतियोगिता अन्तर्गत बिहीबार भएको खेलमा जनकपुर पिस फाउण्डेशन ४८ रनले बिजयी भएको छ । समूह ‘बी’ अन्तर्गतको दोस्रो खेलमा जनकपुरले खुकुरी क्रिकेट क्लब भैरहवालाई पराजित गरेको हो ।
सम्पादक

कृष्णचन्द्र लामिछाने

९८५५०२२४९७

बिरगंज १४, पर्सा

सम्पर्क

सीमाना मिडिया प्रा.लि.
बिरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2021 Simana Media Pvt. Ltd.

Design and Development by Cyberlink Pvt. Ltd.