logo

बानिया निर्माणसेवाका इन्जिनियरलाई स्थानीयको दर्जनौ सवाल, हुलाकी राजमार्गमा खेलवाड गरेको भन्दै स्थानीयले गरे अवरोध 

      9/16/2020 गते 00 00 मा प्रकाशित     629   पटक पढिएको

पिच सडकमा खाल्डो किन रु यो खाल्डो ठिक हो  ?  तपाई जवाफ दिन सक्नु हुन्छ ? कुनै काम गरेपछि त्यसको जवाफदेही हुनु पर्छ की पर्दैन ?  रोलीङ कस्तो भयो ?  तपाईलाई लाज लाग्दैन ?  यो ट्रयाल गरेको भन्न मिल्छ ?यि प्रश्न स्थानीय उपभोक्ताले बानिया निर्माण सेवाका इन्जियिर गौरब झालाई सोधेका हुन ।

 

बिजयबस्ती सडकखण्डमा  हुलाकी राजमार्गमा भइरहेको पिच निर्माणको काममा निर्माण पक्षले गुणस्तरहीन काम गरेपछि निर्माणस्थलमै पुगेर स्थानीयले यस्तो प्रश्न गरेका हुन ।  निर्माणको प्राविधिक रेखदेखमा संलग्न इन्जिनियर झा स्थानीय नागरिकको चित्त बुझदो जवाफ दिन सफल हुनु भएन ।

 

बरु उहाँले सडकको पिच बनाउने क्रममा आफूहरुबाट गलत भएको स्वीकार गर्नु भयो । स्थानीय नागरिकले बानिया निर्माण सेवाले  हुलाकी राजमार्ग निर्माणमा देखाएको लापरवाहीको ठोरी गाउँपालिका ४ का नागरिकले पटक पटक खवरदारी गरेका छन ।

 

सडकको अन्तिम पिच हुदा समेत झारा टार्ने काम भएको भन्दै स्थानीयले बानिया निर्माण सेवाले गर्नलागेको काममा रोक लगाएका  छन  । पटक पटक नागरिकले खवरदारी गर्दा पनि सडक निर्माणको बिषयमा निर्माण पक्षले खेलवाड गरेको भन्दै स्थानीयले आलोचना गरेका छन । 

 

इन्द्र बहादुर बानिया यो निर्माण कम्पनीका संचालक हुन । बानिया बाग्मती प्रदेशको प्रदेश सभामा बिपक्षीदलका नेता हुन । मुलुकको पूर्व गृहराज्यमंत्री समेत भइसकेका ब्यक्ति हुन । राजनीतिलाई आफनो पेशाको संरक्षणकालागि उपयोग गरेका बानियाले बाहिर बिकास निर्माणको बारेमा राम्रो भाषण गर्छन ।

 

तर आफूले निर्माणको जिम्मेवारी पाएको ठाउमा कमसल समाग्रीको प्रयोग गरेर गुणस्तरहिन निर्माण गर्छन । बानियको निर्माण सेवाको यही रबैयाका कारण ठोरी गाउँपालिकामा पटक पटक निर्माण पक्षका मानिस संग स्थानीयको द्वण्द्व हुदै आएको छ ।

 

२० भदौमा नेता बानियालाई ठोरीमा नेपाली कांग्रेसले भब्य स्वागत समेत गरेको थियो । उनले त्यतीबेला साना तिना कुरामा बिवाद नगरेर सडक निर्माणमा सहयोग पुर्याउन आग्रह गरेका थिए । एकातिर बानिया आफै विवाद नगर्न भन्दै आग्रह गर्दै हिड्छन अर्को तर्फ निर्माणको काममा गुणस्तरीयता कायम गर्न चाहदैनन ।

 

उनको त्यो आग्रहका कारण चुप लागेको भए आज पिच निर्माणमा भएको गुणस्तरहिनताको पर्दाफाश भने हुने थिएन । आफनो ठाउको निर्माण कार्यमा स्थानीयले देखाएको चासोले गुणात्मक निर्माण गर्न बानिया  निर्माण सेवा बाध्य हुने छ । 

 

निर्माणाधीन हुलाकी सडकको बिजयबस्ती खण्डमा दोश्रो तथा अन्तिम लेयर बिछ्याउने क्रममा खाल्डाखुल्डी रहेको र बाटो सफा नगरी माटो, गोबरमाथी नै अन्तिम लेयर ९मसिनो गिट्टी सहितको कालोपत्र० बिछ्याइएको भन्दै स्थानीयले अवरोध गरेका हुन ।

 

अन्तिम कालोपत्रेमा पानी पस्ने खाल्डाखुल्डी रहेको र राम्रो फिनिसिङ नआएको र बाटो सफा नगरीकन माटोमाथी नै कालोपत्रे बिछ्याइएको बानियाँ कन्ट्रक्सनका इन्जिनियरहरुले स्वीकार समेत गरेका छ्न ।

बिजयबस्तीको पेट्रोल पम्प अगाडिबाट सुरु भएको अन्तिम लेयर बिछ्याउने कार्यमा त्रुटी भएको भन्दै बानियाँ कन्ट्रकसनका उद्धव नेउपानेले हुलाकी सडकको स्तर अवलोकन गर्ने भारतीय इन्जिनियर  बोलाउने र स्थानीय संग छ्लफल गराई गुणस्तरीय पिच बनाउने गरि अघि बढ्ने बताएका छ्न ।

 


बाटो सफा नगरी कालोपत्रे बिछ्याइएको सन्दर्भमा उनले अब त्यस्तो गल्ती नदोहोर्‍याउने र पिच गर्न बांकी रहेको स्थानमा पानी र एयर कम्प्रेसरको माध्यमले सफा गरेर मात्र काम अघि बढाउने पनि बताएका छ्न ।

 

नेउपानेले बाटो सफा गरेर मात्र कालोपत्रे बिछ्याउने बताएपछि पानी र एयर कम्प्रेसरको माद्यमबाट अहिले बाटो सफा गर्ने कार्य भइरहेको भएपनी कालोपत्रे बिछ्याउने काम भने सडकको स्तर जाँच गर्ने इन्जिनियर नआउन्जेलका लागि रोकिएको छ । 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

भारतमा लोकतन्त्रमाथि संकट,चुनावी निरंकुशता कायमः वी-डेम

नयाँ दिल्ली। वेराइटीज ऑफ डेमोक्रेसी (प्रजातन्त्रका विविधताहरू) नामक संस्थाको लोकतन्त्र रिपोर्ट २०२४ अनुसार, भारतमा अझै पनि विभिन्न सूचकहरूमा कम अंकको साथ चुनावी निरंकुशता कायम छ।

भारतमा मिडीयामाथि “बेशर्म हमला”लोकतन्त्रकोलागि राष्ट्रपति द्रौपदी मुर्मुसँग हस्तक्षेप गर्न आग्रह

बीरगंज । गत सोमबार भारतको नयाँ दिल्लीमा विभिन्न सञ्चारमाध्यमले संविधानबमोजिम अभिव्यक्ति स्वतन्त्रता, पेशा र जीविकोपार्जनको सुरक्षा सुनिश्चित गर्न राष्ट्रपति द्रौपदी मुर्मुसँग हस्तक्षेप गर्न आग्रह गरेका थिए ।

खेलकुद

जीतपुरसिमरा क्रिकेट कपको उपाधि मकवानपुरलाई, पर्सा ७ विकेटले पराजित

सिमरा । प्रथम जीतपुरसिमरा क्रिकेट कपको उपाधि मकवानपुर क्रिकेट संघले जितेको छ । जीतपुरसिमरा ४ स्थित सेज क्रिकेट मैदानमा शनिबार सम्पन्न फाइनल खेलमा पर्सा क्रिकेट संघलाई ७ विकेटले पराजित गर्दै मकवानपुरले उपाधि उचालेको हो ।

जीतपुरसिमरा क्रिकेट प्रतियोगीता, जनकपुरद्धारा भैरहवा ४८ रनले पराजित

सिमरा । जीतपुरसिमरा क्रिकेट कप प्रतियोगिता अन्तर्गत बिहीबार भएको खेलमा जनकपुर पिस फाउण्डेशन ४८ रनले बिजयी भएको छ । समूह ‘बी’ अन्तर्गतको दोस्रो खेलमा जनकपुरले खुकुरी क्रिकेट क्लब भैरहवालाई पराजित गरेको हो ।
सम्पादक

कृष्णचन्द्र लामिछाने

९८५५०२२४९७

बिरगंज १४, पर्सा

सम्पर्क

सीमाना मिडिया प्रा.लि.
बिरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2021 Simana Media Pvt. Ltd.

Design and Development by Cyberlink Pvt. Ltd.