पर्सा जिल्लामा कोरोना संक्रमणको उच्च जोखिम देखिएको छ । दैनिक जसो कोरोनाको संक्रमितहरु थपिदै गएपछि पर्सा जिल्ला फेरी कोरोनाको उच्च जोखिमममा परेको हो । गएराति मात्र थप १७ जनामा कोरोना पोजेटिभ पुष्टि भएको छ ।
२ डाक्टर, २ उपचाररत विरामी लगायत थप १७ जनामा कोरोना संक्रमण पुष्टि भएको पर्साका सहायक प्रमुख जिल्ला अधिकारी ललित कुमार बस्नेतले जानकारी दिनुभयो । संक्रमितहरुमध्ये १३ जना पुरूष र ४ जना महिला (१५ वर्षेदेखि ८५ वर्ष सम्म उमेरका) छन् । उहाँहरू सबैको स्वाव संकलन साउन ६ गते गरिएको थियो । अधिकांश यात्रा इतिहास नभएका र कतिपय लक्षण सहितका संक्रमित समेत देखिएकोले निकै गम्भिर बन्नुपर्ने अवस्था सृजना भएको सहायक प्रमुख जिल्ला अधिकारी बस्नेतले बताउनुभयो ।
देशभरी कोरोना संक्रमण घटेको नभई परीक्षणको दायरा घटेकोले संक्रमितको संख्या घटेको जस्तो देखिएको उहाँको भनाईछ । आपैmले पैसा तिरेर कोरोनाको परीक्षण शुरू नगरेसम्म पर्सामा पनि संक्रमित सबै निको हुँदै २ जना मात्र बाँकी रहेको अवस्थामा पर्सामा सःशुल्क परीक्षण शुरु भएसँगै विभिन्न व्यक्तिहरूले स्वेच्छाले जाँच गर्न थालेपछि कोरोनाको संक्रमित थपिन थालेको उहाँले बताउनुभयो ।
यस्तो विषम परिस्थितिमा विद्यमान रहेकै अवस्थामा लकडाउनको अन्त्यसँगै सबैतिर भिडभाड हुनुले ठूलो खतरा निम्त्याइरहेको पनि उहाँले बताउनुभयो । अहिले लक्षण सहितको संक्रमण देखा परेकोले निकै चिन्ताको विषय रहेको र चाडै जिल्ला संकट व्यावस्थापन केन्द्रको बैठक बसेर आवश्यक कदम चाल्न निर्णय गर्नुपर्ने आवश्यकता देखिएको र त्यसको लागि बैठक बस्ने तयारी गरिएको सहायक प्रमुख जिल्ला अधिकारी बस्नेतले बताउनुभयो ।
तपाईको प्रतिक्रिया