बीरगंज १७ बैशाख ।
नेपाल औषधि उत्पादक संघको सहयोगमा नेपाल चिकित्सक संघले चिकित्सकहरुकालागि ज्याकेटको ब्यवस्था गरेको छ । संघको केन्द्रीय समितिले बीरगंज, कोरोना भाइरसको उच्च जोखिममा रहेकोले तत्कालै ३ सय थान ज्याकेट उपलब्ध गराएको छ ।
काठमाण्डौमा लकडाउन पालना गराउने क्रममा प्रहरीले चिकित्सकलाई नै लाठीचार्ज गरेको पृष्ठभूमीमा ज्याकेटले केही मात्रमा चिकित्सकलाई सुरक्षिती गर्ने संघका केन्द्रीय सचिव डा.निरज सिंहले बताउनु भयो ।
कोभिड–१९ को महमारीको समयमा चिकित्सकहरुलाई अत्यावश्यक कामको लागि बाहिर निस्कदा प्रहरी प्रशासनबाट दूर्ब्यवहारखेप्नु पर्ने अवस्थालाई मध्यनजगर गर्दै ज्याकेट प्रदान गरिएको जनाईएको छ ।चिकित्सकहरुको सुरक्षाकोलागि सेतो रंगको ज्याकेट संघको केन्द्रीय समितिले तय गरेको बताइएको छ ।
यसले कोरोना बिरुद्ध अग्रमोर्चामा रहेका चिकित्सकहरुलाई सबैले टाढैबाट चिन्ने र उपचारकालागि उचित वतावरण बनाउनमा समेत सहयोग पुग्ने चिकित्सकहरुले बिश्वास गरेका छन ।
आजै डा. सिंहले नेपाल चिकित्सक सघ नारायणी शाखाका अध्यक्ष डा.अरुण कुमार सिंह लाई उक्त ज्याकेट हस्तान्तरण गर्नु भयो । सो क्रममा डा.दिलीप चौरसिया,डा.उदयनारयाण् सिंह लगायतको सहभागिता रहेको थियो ।
तपाईको प्रतिक्रिया