बीरगंज १२ बैशाख ।
गण्डकी प्रदेश कोरोना भाइरस संक्रमण मुक्त प्रदेश भएको छ । संक्रमण पुष्टि भएका गण्डकी प्रदेशका सबै जना उपचार पछि निको भएर घर फर्किएका छन ।
बागलुङको धवलागिरी अञ्चल अस्पतालमा उपचाररत १९ वर्षीया किशोरी अंशु सापकोटाको लगातार दोस्रो रिपोर्ट नेगेटिभ आएको छ। उनको रिपोर्ट नेगेटिभ आएसंगै गण्डकी प्रदेश अहिलेलाई कोरोना संक्रमण मुक्त भएको हो ।
शुक्रबार गरिएको परीक्षणमा उनको रिपोर्ट नेगेटिभ आएको हो। उनको बिहीबारको रिपोर्ट पनि नेगेटिभ थियो। नेगेटिभ रिपोर्ट आएपछि उनलाई डिस्चार्जको तयारी थालिएको छ।
यसैवीच झापाका ६२ वर्षीय वृद्धमा कोरोना संक्रमण पुष्टि भएको हो । धरानस्थित बिपी कोइराला स्वास्थ्य विज्ञान प्रतिष्ठानमा गरिएको थ्रोट स्वाब परीक्षणमा उनको रिपोर्ट पोजेटिभ आएको हो । यो सँगै नेपलमा कोरोना संक्रमित संख्या ४९ पुगेको छ ।
तपाईको प्रतिक्रिया