पर्सा जिल्लाका नेपाली कांग्रेस महासमिति सदस्य साविर अन्सारीको कोरोना संक्रमणका कारण ज्यान गएको छ ।
पर्साको सखुवाप्रसौनी गाउँपालिकाको कौवाबनकटैया निवासी ४८ वर्षिय साबिर हुसैनको कोरोना संक्रमणका कारण मृत्यु भएको हो ।
फाल्गुन २२ गते वीरगञ्जस्थित नारायणी अस्पतालको पिसिआर प्रयोगशालामा गरिएको परिक्षणमा हुसैनको पिसिआर रिपोर्ट पोजेटिभ आएको थियो ।
एक हप्तासम्म वीरगञ्जको एडभान्स मेडिकेयर हस्पिटलमा उपचार गरेपनि कुनै सुधार नभएपनछ थप उपचारका लागी उहाालाई काठमाण्डौ रिफर गरिएको थियो ।
थप उपचारको क्रममा काठमाण्डौको पाटन हस्पिटलमा ०७७ चैत १६ गते दिउसो ३ बजेतिर हुसैनको निधन भएको नेपाली कांग्रेस पर्साका नेता जर्नादन सिंह क्षेत्रीले जानकारी दिनु भयो ।
अन्सारी गएको स्थानीय निर्वाचनमा सखुवा प्रसौनी गाउँपालिकामा गाउँपालिकाको अध्यक्षको प्रत्यासी रहनु भएको थियो ।
शिष्ट शालिन र लोकप्रिय नेताको छवी बनाउनु भएका अन्सारीको दुःखद निधन प्रति नेपाली कांग्रेस पर्साले दुःख ब्यक्त गरेको छ । पार्टीले एक जना निष्ठावान कार्यकर्ता गुमाएको पर्सा जिल्ला बिकास समितिका पूर्व सभापति एवं नेपाली कांग्रेसका युवा नेता जनार्दन सिंह क्षेत्रीले बताउनु भयो ।
यसैवीच नेपाली कांग्रेस पर्सा बीरगंज महानगरपालिका वडा नं.११ का सक्रिय सदस्य ज्योती विक्रम साहको पनि असामयिक निधन भएको छ ।
तपाईको प्रतिक्रिया