logo

जीतपुरसिमरा उपमहानगरमा जनप्रतिनिधिको एक सय दिन

सडक शिलन्यास गर्दै नगर प्रमुख डा. पौडेलले भने ‘समृद्ध उपमहानगर बनाएर छाड्छौ’

      56   पटक पढिएको

तस्वीर /सडक ढलानको शिलन्यास गर्दै नगर प्रमुख डा. पौडेलसहित जनप्रतिनिधि ।


सिमरा, २० पुस । जीतपुरसिमरा उपमहानगरपालिकामा निर्वाचित जनप्रतिनिधिले जिम्मेवारी सम्हालेको सयौं दिनको अवसरमा योजना कार्यान्यवनको थालनी गरेका छन् । छोटो समयमै कार्ययोजना बनाउदै दुई नम्बर प्रदेशमा पहिलो पटक नगर सभा सम्पन्न गरेको उपमहानगरले एक सय दिनको अवसर पारेर विहिवार ६ वटा योजना सुरु गरेको हो । 


जीतपुरसिमरा उपमहानगरपालिका १६ स्थित पिलुवामा रहेको रामजी आदर्श खानेपानी उपभोक्ता समितिको पर्खाल र गेट निर्माण, १५ नम्बर वडास्थित हात्तिसारमा दुई वटा सडक ढलान, १८ नम्बरस्थित उचिडिहमा सडक ढलान, ५ नम्बरस्थित बकुलियामा सडक ढलान र ७ नम्बरस्थित जीतपुरमा सडक ढलानको शिलन्यास गरिएको हो । 


योजना शिलन्यासका क्रममा उपमहानगर उपप्रमुख सरस्वती चौधरी, प्रमुख प्रशासकिय अधिकृत रामकृष्ण उप्रेतीसहित १६ का अध्यक्ष केदार बजगाई, १५ का अध्यक्ष रामप्रसाद लामिछाने, १८ का अध्यक्ष अर्जुन दहाल, ५ का अध्यक्ष मोहित चौधरी, ७ का अध्यक्ष रामबाबु गुप्ता, १४ का अध्यक्ष रामशरण बर्तौला, १० का अध्यक्ष सरोज पटेल, २३ का अध्यक्ष अस्लम देवान, १९ का अध्यक्ष सुदन दास तत्मा, १ का अध्यक्ष हिराबहादुर गुरुङ २० का अध्यक्ष रसुल मिया, ३ का अध्यक्ष जगन्नाथ घिमिरे, कार्यपालिकाका सदस्य शोभा कार्की, सुभद्रा न्यौपाने, अनिता चौधरी, सुन्दर सुनार, राजकुमार रामल, लेखा अधिकृत बिसमिल्लाह अंसारी, ईन्जिनियर सञ्जीब रुपाखेतीलगायतको सहभागिता रहेको थियो । 


पूर्वाधार कमजोर रहेपनि जनसंख्या र भुगोलका आधारमा मात्रै उपमहानगरपालिका घोषणा भएको जीतपुरसिमरा उपमहानगरमा असोज १० गते पदभार ग्रहण गर्दै काम थालेका नगर प्रमुख डा. पौडेलले यस आर्थिक बर्षको काम सडक शिलन्यासबाट सुरु गरिएको बताए । बहुआयामीक बिकासका प्रमुख आधार सडक रहेको भन्दै नगर प्रमुख डा. पौडेलले सडकलाई योजनामा पनि प्राथमिकतामा राखिएकाले काम पनि सडकबाट सुरु गरिएको बताए । 


उपमहानगरमा आएलगत्तै छोटो समयमा सर्वसम्मतरुपमा नगर सभा सम्पन्न गरी योजना निर्माण गरेका थियौ’ नगर प्रमुख डा. पौडेलले भने “आज हामी सयौं दिनमा प्रवेश ग¥यौ र आजैबाट काम पनि सुरु भएको छ ।’ उपमहानगरमा जिम्मेवारी सम्हालेलगत्तै बिजयादशमी, दिपावली, छठ, ईदलगायत विभिन्न पर्वको सार्वजनिक बिदा र प्रतिनिधि तथा प्रदेश सभाको निर्वाचनका कारण कार्यलय नियमित सञ्चालन हुन नसकिरहेको अवस्थामा यसबिचमै नगर सभा सम्पन्न गरेर कामको थालनी गर्नुलाई उपलब्धीका रुपमा लिनुपर्ने नगर प्रमुख डा. पौडेलको भनाई छ । 

 


निर्वाचित भएर सपथ ग्रहण गर्ने क्रममा भोजपुरी भाषलाई उपमहानगरको दोस्रो कामकाजको भाषाका रुपमा प्रयोगमा ल्याउन निर्देशन दिदै कार्यभार सम्हालेका नगर प्रमुख डा. पौडेलले ठुलो समस्याको रुपमा रहेको फोहोर ब्यवस्थापनको समस्यालाई दिर्घकालिनमा रुपमा समाधान हुने गरी ल्याण्डफिल्डसाईडको काम अघि बढिसकेको बताए । पूवार्धारका हिसाबले अत्यन्त कमजोर भएपनि सम्भावनाका हिसाबले दुई नम्बर प्रदेशकै उत्कृष्ट र समृद्ध उपमहानगर बनाउन सकिने सोचका साथ अघि बढेका नगर प्रमुख डा. पौडेलले जीतपुरसिमरा उपमहानगरलाई समृद्ध बनाउन वृहत्तर गुरुयोजना निर्माणमा आफू लागेको बताए । 

 


उपमहानगरले आर्थिक बर्ष २०७४÷७५ का लागि झण्डै ८५ करोडको बजेट बिनियोजन गरेको थियो । उपमहानगरको बजेटले मात्रै सोचेजस्तो बिकासका काम गर्न असम्भव रहेको भन्दै उनले केन्द्रीय अनुदानका निम्ति विभिन्न सरोकारवाला निकाय र दातृसंस्थासंगको भेट र परामर्शलाई पनि तिब्रता दिदै आएका छन् । एकीकृत शहरी विकास योजनाको गुरुयोजना बनाउन र अर्वान डेभलपमेन्ट करिडोर रुपमा अघि बढाउन डा. पौडेलले काठमाण्डौ पुगेर शहरी विकास तथा भवन निर्माण विभागमा पहल थालेका छन् । 

 


उपमहानगरले जीतपुरमा करीव पचास करोडको लागतमा दुई सय शैय्याको अस्पताल, सर्पदंश उपचार केन्द्र र शहरी स्वास्थ्य क्लिनिक स्थापना गर्ने योजना बनाइसकेको छ । प्रत्येक वडामा स्वास्थ्यचौकी स्थापनाको पहल गर्ने निर्णय गरेको उपमहानगरले स्वास्थ्य क्षेत्रमा सुधार ल्याउनका लागि समेत चासो देखाएको छ । उपमहानगरले डुमरवाना, अमलेखगञ्ज, मनहर्वा र इनर्वासिरामा बर्थिङ सेन्टर र २४ घण्टे इमर्जेन्सी सेवा स्थापना गर्ने योजना सहित अघि बढेको नगर प्रमुख डा. पौडेलले बताए । बहुक्षेत्रीय पोषण कार्यक्रमलाई प्रभावकारी रुपमा लागु गर्ने र अतिरोगमा सहयोग र स्वास्थ्यबिमा लागु गर्ने बिषयमा समेत उपमहानगर गम्भिर रहेको उनको भनाई छ ।

 

उपमहानगरले पहिलो वर्षमा ५ वटा वडा कार्यालय भवन निर्माण प्रक्रिया अघि बढाउने लक्ष्य लिएको छ । खेलकुदका लागि सिमरामा निर्माणाधीन सिमरा रंगशालामा पूंजीगत सहयोग गर्ने, सिमरा र भलुहीमा कभर्डहल निर्माणका लागि प्रक्रिया आरम्भ गर्ने, विभिन्न स्थानमा रहेका सार्वजनिक खेलकुद फिल्डहरुको व्यवस्थापन गर्ने र खेल तथा खेलाडी क्षेत्रको प्रवद्र्धनका लागि काम गर्ने योजनालाई कार्यान्यवन गर्ने प्रमुख डा. पौडेलको भनाई छ । 

 

८४ बर्ष पुरा गरेका बृद्धबृद्धालाई चौरासी विशेष सम्मान गर्ने योजनानै बनाएर अघि बढेको उपमहानगरले अपांगताको क्षेत्रमा अपाङ्गङमैत्री सडक, सार्वजनिक संरचना र अपाङ परिचयपत्र र भत्ताको संयोजन गर्नुका साथै स्वास्थ्यशिविर सञ्चालन गरेर जेष्ठ नागरिकलाई घरमा सामाजिक सुरक्षा भत्ताको ब्यवस्था गर्ने कामलाई अघि बढाएको छ । पर्सा राष्ट्रिय निकुञ्जका कारण पर्यटनको सम्भावना रहेकाले चुरिया, अमलेखगञ्ज, आधाभार र पथलैयालाई समेटेर पर्यटन जोन निर्माण गर्ने योजना उपमहानगरको रहेको प्रमुख डा. पौडेलले बताए । सार्वजनिक, ऐलानी, पर्ती जग्गा व्यवस्थापन, सुकुम्बासी समस्या समाधान र  एकीकृत बस्ती निर्माणका बिषयमा पनि उपमहानगर योजनाका साथ अघि बढ्ने उनको भनाई छ । 
 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

मुख्य खबर

प्रहरीले नै एक युवतीको आँखा फुटाए

बिरगंज महानगरपालिका वार्ड नम्बर १६ नगवा स्थित भुटनदेबि माइ मन्दिरका पुजारी भूषण पासवान दासको १५ बर्षिय छोरी मुनि पासवान दासको प्रहरीले  नै एउटा आखा फुटाएको छ ।

अखिल क्रान्किारी र एमालेका नेताहरुद्वारा विवादित सीमाको निरीक्षण 

वीरगन्ज महानगरपालिका वडा नम्बर १ छपकैयामा पर्ने नेपाल भारत सीमा स्तम्भ विवादले अहिले राष्ट्रिय तथा अन्तराष्ट्रीय जगतकै ध्यानाकर्षण गराएको छ ।

प्रदेशको राजधानी बनाउने आन्दोलन थप शशक्त हुने , बीरगंजको बिरोध गर्नेलाई प्रबेश निषेध

प्रदेश नं २ को राजधानी बनाउन असहयोग गर्ने नेताहरुलाई वीरगञ्जमा प्रवेश निषेध गरिने भएको छ ।

पत्रकार महासंघको बैठक सम्पन्न सिफारिस समिति गठन,सेन्टरको आपत्ती  

नेपाल पत्रकार महासंघका पर्सा शाखाको बैठक शनीवार सम्पन्न भएको छ ।

राजधानी तोक्ने सरकारी निर्णयको विरोधमा वीरगञ्ज बन्द, जनजीवन प्रभावित

प्रदेश नम्बर २ को अस्थायी राजधानी जनकपुरलाई तोकेसगै बीरगंजको राजनीतिक तापमान पनि बढेको छ ।

आधा आकाश

महिलाहरुको अधिकारको पक्ष नेपाल दक्षीण एशियामै अगाडि

महिलाहरुको अधिकार सुरक्षीत गर्ने बिषयमा नेपालको सम्बिधान र कानून दक्षीण एशियामै सबैभन्दा अग्रस्थानमा रहेको बिज्ञहरुको भनाई छ ।

हाफ म्याराथनमा महतो प्रथम

बीरगंज २८ फाल्गुन । नारीको सहभागीता, खेलकुदमा अग्रता’ भन्ने नाराको साथ वीरगंजमा हाफ म्याराथन २०१७ सम्पन्न भएको छ । वीरगंज जेसीज, पहल नेपाल र नयाँ नेपाल सेवा केन्द्रकोले नारीहरुको मात्र सहभागिता रहने गरि हाफ म्याराथनको आयोजना गरेको हो ।

समाज

सोनाम ल्होसारको अवसरमा सम्मान तथा सांस्कृतिक कार्यक्रमको आयोजना 

तामाङ समुदायको नयाँ बर्ष सोनाम ल्होसारको अवसरमा वीरगन्जमा विभिन्न सामाजिक व्यक्तित्वहरुलाई सम्मान तथा सांस्कृतिक कार्यक्रमको आयोजना गरेको छ । टाँसी थर्वालिङ्ग गुम्बा समितिको आयोजनामा शुक्रबार गौतम माविको प्रांगणमा आयोजना गरिएको कार्यक्रमको प्रमुख अतिथि वीरगन्ज महानगरापालिकाका मेयर विजय सरावगीले पानसमा बक्ति बालेर उदघाटन गरेका थिए ।

वडा अध्यक्ष तिवारीद्वारा चामल र अण्डा वितरण 

पर्साको कालिकामाई गाउँपालिका वडा नम्बर ५ का वडाका शीतलहर पीडित ८० घरपरिवारलाई वडा अध्यक्ष पवन तिवारीले आफ्नो व्यक्तिगत खर्चमा सेमरा टोलमा पाँच किलो चामल र पाँचओटा अण्डाको दरले ८० घरपरिवारलाई राहत वितरण गरेका हुन् । नेकपा माओवादी केन्द्रबाट वडा नम्बर ५ मा विजयी भएका वडा अध्यक्ष तिवारीले लगातारको शीतलहरले जनजीवन प्रभावित हुदै गएपछि वडा नम्बर ५ को सेमरा टोलवासीलाई राहत स्वरुप अण्डा र चामल वितरण गरेका हुन् ।

बीरगंजका चौपाया कालीकामाई गाउँपालिकामा छाडियो

वीरगंजमहानगरपालिकाले नगरभित्र छोडिएका छाडा चौपाया नियन्त्रण अभियान शुरु गरेको छ ।

थारु समुदायले भब्य रुपमा मनाए माघी महोत्सव (तस्विरहरु सहित)

सोमबार वीरगञ्जमा थारु समुदायले भब्यरुपमा माघी महोत्सव सम्पन्न गरेका छन । थारुहरुको नयाँ वर्ष थारु संवत २६४२ तथा माघेसंक्रन्तीको अवसर पारेर वीरगञ्जको आदर्शनगरस्थित स्वीमिङ पुल परिसरमा माघी महोत्सव गरिएको थियो ।

खेलकुद

कबड्डी प्रतियोगितामा  विद्या सदन, कंचनजंघा र गौतम विजयी

वीरगन्जमा शुक्रबार देखि शुरु भएको दोश्रो अन्तर विद्यालय स्तरीय कबड्डी प्रतियोगितामा दोस्रो दिन विद्या सदन, कंचनजंघा र गौतम माविले विजयी भएका छन् ।

मारु मेमोरियल क्रिकेट प्रतियोगिता हुने 

लायन केशव मारुको स्मृतिमा आयोजना गरिने दोश्रो लायन केशव मारु मेमोरियल इन्टर स्कूल १ दिवसिय क्रिकेट प्रतियेगिताको बुधवार ब्यानर अनावरण गरिएको छ । 

सिंगापुरलाई ७१ रनले पराजित गर्दै नेपालले उपाधि जित्यो 

नेपाल एसिसी यू–१६ पूर्वी क्षेत्रीय क्रिकेट प्रतियोगिताको च्याम्पियन बनेको छ। थाइल्यान्डको ट्रेडथाइ मैदानमा आइतबार भएको फाइनलमा सिंगापुरलाई ७१ रनले पराजित गर्दै नेपालले उपाधि जितेको हो।

वातावरण संरक्षणर सम्वद्र्धन उपमहानगरको प्राथमिकतामा -नगर प्रमुख डा. पौडेल

जीतपुरसिमरा उपमहानगरपालिकाका नगर प्रमुख डा. कृष्ण पौडेलले वातावरण संरक्षण र सम्वद्र्धन उपमहानगरको प्राथमिकतामा रहेको बताएका छन् । 
Editor in chief

K.C. Lamichhane

kc@esimana.com

For Advertisement

Nabin Karki

9845035860

marketing@esimana.com

Contact Us

Simana Media Pvt. Ltd. Shreepur 14, Birgunj

Contact: 9855020497

info@simana.com, news@esimana.com


© 2017 Simana Media Pvt. Ltd.

Design and Development by Cyberlink Pvt. Ltd.