logo

सडकमा टायर हामीले बाल्यौं, टायर नालामा फाल्ने चुनावमा नेता बने : युवा नेता महमुद अन्सारी 

      580   पटक पढिएको

युवा नेता महमुद अन्सारी मधेस आन्दोलनपछि एकाएक चर्चामा आए । मधेसको मुद्दा लिएर आन्दोलनको नेतृत्व गरेको संघीय समाजवादी फोरम नेपालको भातृ संगठन संघीय समाजवादी युवा फोरमका जिल्ला अध्यक्ष समेत भईसकेका अन्सारी मधेस आन्दोलन चर्किरहेका बेला मधेसको हक अधिकारका लागि भनेर अग्रपंक्तिमा रहेर सडकमा टायर बालेर प्रदर्शन गर्ने नेतृत्व गरे ।

प्रहरीको गोली खान छाति खोलेर युवा अगाडि बढे । तर, जब स्थानीय तहको निर्वाचन भयो त्यसबेला उनलाई वडा अध्यक्षको टिकट नदिएर मधेस आन्दोलनको विरोध गर्ने र सडकमा बालेको टायर नालामा फाल्नेलाई टिकट दिएकोमा असन्तुष्टि जनाउदै उनले फोरम नेपाल परित्याग गरे । उनी स्वतन्त्रबाट वडा अध्यक्षको प्रत्यासी पनि भए । उनले जित्न नसकेपनि सम्मानजनक हार भयो ।

अहिले उनी नेकपा एमालेमा प्रवेश गरेर बामगठबन्धनका उम्मेदवारहरुलाई जसरी पनि जिताउनुपर्छ भनेर कम्मर कसेर लागेका छन् । उनी फोरम छोड्नुको कारण र एमालेमा प्रवेश गर्नुको कारण बारेमा इसिमानाले गरेकोे संक्षिप्त संवाद :

  • मधेसमा बलियो पकड रहेको संघीय समाजवादी पार्टी किन छोड्नुभयो ? 


: मेरो संघीय समाजवादी पार्टी पर्सामा स्थापना भएदेखि नै लगानी थियो । आन्दोलनमा सबै आफ्नो जिन्दगी दाउमा लगाएर राजनीतिक क्षेत्रमा होमिए । संघीय समाजवादी फोरम नेपाललाई एउटा बलियो पार्टीको रुपमा स्थापित गराउन मेरो महत्वपूर्ण भूमिका थियो ।

त्यसैले जब स्थानीय तहको निर्वाचन भयो । त्यसमा टिकटको लागि मैले पनि दावी गरेको थिए । तर, मधेस आन्दोलनको विरोधी तत्वहरुलाई फोरम नेपालको टिकट दिएर उनीहरुले जितेकोले मैले फोरम परित्याग गरेको हुँ ।

मधेस आन्दोलनमा सडकमा टायर बाल्ने हामी, सडकमा बालेको टायर टिपेर नालामा हाल्नेलाई चाहिँ नेता बनाएर निर्वाचनमा जिताउने पार्टीमा बसिरहन उचित लागेन र छोडेको हुँ । 

  • मधेस विरोधी पार्टी भनेर मधेसमा व्यापक आलोचना हुने एमाले पार्टीमा चाँहि के देखेर प्रवेश गर्नुभयो ? 


: यो देशको ठूलो स्थापित पार्टी नेकपा एमाले हो । नेपाली जनताले विश्वास गरेको पार्टी हो । एमाले पार्टीले नै हिमाल, पहाड, तराई सबैलाई समेटेर विश्वकै उत्कृष्ट संविधान निर्माणमा महत्वपूर्ण भूमिका खेल्यो । त्यसपछि अहिले भएको एमाले माओवादीको बामगठबन्धनले नै यो देशको निकास दिन सक्छ ।

एमाले पार्टी दलित, मुस्लीम, पिछडावर्ग, आदिवासी जनजाति सबैको माग सम्बोधन गर्ने एजेण्डा एमालेले नै ल्याएको छ । त्यसैले म एमालेमा लागेको छु । मधेसका मधेसी, आदिवासी जनजाति, मुस्लिम, दलित लगायतका तमाम समुदायलाई समेटेर देशलाई समृद्धिको बाटोमा लाने पार्टी नै एमाले हो । यसले पनि मलाई एमालेमा लाग्न प्रेरित ग¥यो । 

  • एमालेले नै संविधान संसोधन गर्न नदिएको हो भनेर आरोप लगाईरहेका छन् नि ? 


: मधेसीको माग सम्बोधन गर्न एमालेले संविधान संसोधन गर्न नदिएको कुरा गलत हो । मधेसको हरेक माग यो संविधानमा समेटिएको छ । केही कुरा छुटेका होलान्, त्यसलाई प्रतिनिधिसभा र प्रदेशसभा निर्वाचनपछि आवश्यकता अनुसार सम्बोधन गर्न सकिन्छ ।

निर्वाचित भईसकेपछि बामगठबन्धनको पहिलो प्राथामिकतामा पनि यहि रहन्छ । मधेसमा देखिएको समस्या मधेसी समुदायको हकहित तथा जायज मागहरु यो निर्वाचनपछि बन्ने बामगठबन्धनको सरकारले नै गर्छ । यसको लागि संविधानमा पनि संसोधन गरेर अगाडि बढ्न सकिन्छ । तर, अधिकार नै दिएको छैन भनेर मधेसी जनतालाई भ्रमित पारेर मधेसको विकासमा अवरोध गर्नेहरु अहिले फेरी किन निर्वाचनमा आएका छन् त ? निहत्था मधेसी नागरिकलाई सडकमा उतारेर मर्न लगायो । विकासको काम ठप्प बनायो ।

आखिर मधेस झन् पछि प¥यो । अहिले आफ्नै स्वार्थमा टिकट विक्री गरेर मधेसी जनतालाई अपमान गरेको छ । अनि अहिले चाहिँ मधेसको विकास गर्छौ भनेर फेरी जनतालाई झुठको खेती गरिरहेका छन् । त्यसैले मधेस विरोधी भनेर आलोचना गर्नु व्यर्थ हो । 

  • तपाँईलाई अहिले यो बामगठबन्धन किन र के का लागि हो जस्तो लाग्छ ? 

: मेरो विचारमा बामगठबन्धन देशमा स्थिर सरकार र समृद्धिका लागि हो । मुलुकमा ९, ९ महिनामा सरकार फेरिरहने गर्दा देशले विकासको गति लिन सकेन । सत्ता स्वार्थकै कारणले मधेसमा धेरै पार्टीको जन्मभयो । जति मधेसी पार्टी फुटेर बने तिनीहरु सबै मन्त्री भए । तर मधेसको विकास जहाँको त्यहिँ रह्यो ।

आखिर मधेसको लागि बनेको पार्टी हो भने, त्यति धेरै मधेसीहरु मन्त्री भए किन विकास गर्न सकेन ,। त्यसैले अबको सरकार स्थिर हुनुपर्छ । स्थिर सरकारले मात्रै देशको विकास र समृद्धि हुन्छ ।

त्यसको लागि नेपालमा एउटै पार्टीको आवश्यकता छ । त्यो बामगठबन्धन विकल्प हुन सक्छ । त्यसैले यो बामगठबन्धन नेपालको स्थिर सरकार र समृद्धिको लागि हो । यस पटकको निर्वाचनमा बामगठबन्धनलाई अत्यधिक बहुमतले जिताउनुपर्छ । 

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु

ईसीमाना सम्वाद

पार्टीको तर्फबाट प्रदेशमा नेतृत्व गर्नु पर्दा पछि हटने कुरा हुदैन - नेता चौधरी 

प्रतिनिधिसभाका लागि उम्मेदवारी नदिएर प्रदेशसभा सदस्यका लागि उम्मेदवारी दिएपछि नेकपा एमालेका पोलिट ब्यूरोका सदस्य नागेन्द्र चौधरीलाई कार्यकर्तालाई बुझाउनै समय लागेको छ ।

राजनीति पनि समाजसेवाको एउटा राम्रो माध्यम हो: राजेश्वेर साह

ब्यपारमा नाफा घाटाको हिसाव गर्ने ४२ वर्षिय राजेश्वर साह लाई आजभोली मतदाता कार्यकर्ता र अन्य शुभेच्छुकहरुका दर्जनौ सवाल,अनेकौ जिज्ञासा बिभिन्न खालका सूचना सुन्ने बिश्लेषण गर्ने ,चुनावी कार्यक्रममा सहभागि हुने ,कार्यक्रम मिलाउने रिसाएका कार्यकर्तालाई फकाउने ,खटाउन भ्याई नभ्याई छ ।

मन र मत समेत लिनेछु: शम्भु गुप्ता प्रदेश सभा उम्मेदवार

बीरगंज महानगरपालिकाको हुदा खादाको बरिष्ठ अधिकृतको जागिरबाट राजीनामा दिएर राजनीतिक दंगलममा उत्रिका शम्भू गुप्ता त्यतिवेला बिलखबन्दमा परे जतिवेला उनको टिकट अरुले नै पायो । कर्मचारी हुदा पनि एमालेको संगठीत सदस्य रहेका गुप्तालाई अन्तत आफनै घर प्यारो लाग्यो उनी एमालेमै फर्किए ।

युवाहरु झोला बोक्ने होईन देशको जिम्मेवारी बोक्न सक्षम छन्: रहबर अन्सारी

स्थानीय तह निर्वाचनको तेश्रो तथा अन्तिम चरणमा भएको प्रदेश नम्बर २ को निर्वाचनमा वीरगञ्ज महानगरपालिकाको मेयरमा उम्मेदवार बनेर चर्चा कमाएका रहबर अन्सारी फेरी प्रदेश सभा निर्वाचन क्षेत्र १ को १ मा बाम गठबन्धनको माओवादी केन्द्रबाट उम्मेदवार बनेका छन् । २०४३ सालमा काठमाडौंमा जन्मिएका ३१ बर्षीय मुस्लिम यूवा रहबर यूवाहरुमा लोकप्रिय छन् ।

आधा आकाश

महिलाहरुको अधिकारको पक्ष नेपाल दक्षीण एशियामै अगाडि

महिलाहरुको अधिकार सुरक्षीत गर्ने बिषयमा नेपालको सम्बिधान र कानून दक्षीण एशियामै सबैभन्दा अग्रस्थानमा रहेको बिज्ञहरुको भनाई छ ।

हाफ म्याराथनमा महतो प्रथम

बीरगंज २८ फाल्गुन । नारीको सहभागीता, खेलकुदमा अग्रता’ भन्ने नाराको साथ वीरगंजमा हाफ म्याराथन २०१७ सम्पन्न भएको छ । वीरगंज जेसीज, पहल नेपाल र नयाँ नेपाल सेवा केन्द्रकोले नारीहरुको मात्र सहभागिता रहने गरि हाफ म्याराथनको आयोजना गरेको हो ।

समाज

सोनाम ल्होसारको अवसरमा सम्मान तथा सांस्कृतिक कार्यक्रमको आयोजना 

तामाङ समुदायको नयाँ बर्ष सोनाम ल्होसारको अवसरमा वीरगन्जमा विभिन्न सामाजिक व्यक्तित्वहरुलाई सम्मान तथा सांस्कृतिक कार्यक्रमको आयोजना गरेको छ । टाँसी थर्वालिङ्ग गुम्बा समितिको आयोजनामा शुक्रबार गौतम माविको प्रांगणमा आयोजना गरिएको कार्यक्रमको प्रमुख अतिथि वीरगन्ज महानगरापालिकाका मेयर विजय सरावगीले पानसमा बक्ति बालेर उदघाटन गरेका थिए ।

वडा अध्यक्ष तिवारीद्वारा चामल र अण्डा वितरण 

पर्साको कालिकामाई गाउँपालिका वडा नम्बर ५ का वडाका शीतलहर पीडित ८० घरपरिवारलाई वडा अध्यक्ष पवन तिवारीले आफ्नो व्यक्तिगत खर्चमा सेमरा टोलमा पाँच किलो चामल र पाँचओटा अण्डाको दरले ८० घरपरिवारलाई राहत वितरण गरेका हुन् । नेकपा माओवादी केन्द्रबाट वडा नम्बर ५ मा विजयी भएका वडा अध्यक्ष तिवारीले लगातारको शीतलहरले जनजीवन प्रभावित हुदै गएपछि वडा नम्बर ५ को सेमरा टोलवासीलाई राहत स्वरुप अण्डा र चामल वितरण गरेका हुन् ।

बीरगंजका चौपाया कालीकामाई गाउँपालिकामा छाडियो

वीरगंजमहानगरपालिकाले नगरभित्र छोडिएका छाडा चौपाया नियन्त्रण अभियान शुरु गरेको छ ।

थारु समुदायले भब्य रुपमा मनाए माघी महोत्सव (तस्विरहरु सहित)

सोमबार वीरगञ्जमा थारु समुदायले भब्यरुपमा माघी महोत्सव सम्पन्न गरेका छन । थारुहरुको नयाँ वर्ष थारु संवत २६४२ तथा माघेसंक्रन्तीको अवसर पारेर वीरगञ्जको आदर्शनगरस्थित स्वीमिङ पुल परिसरमा माघी महोत्सव गरिएको थियो ।

खेलकुद

कबड्डी प्रतियोगितामा  विद्या सदन, कंचनजंघा र गौतम विजयी

वीरगन्जमा शुक्रबार देखि शुरु भएको दोश्रो अन्तर विद्यालय स्तरीय कबड्डी प्रतियोगितामा दोस्रो दिन विद्या सदन, कंचनजंघा र गौतम माविले विजयी भएका छन् ।

मारु मेमोरियल क्रिकेट प्रतियोगिता हुने 

लायन केशव मारुको स्मृतिमा आयोजना गरिने दोश्रो लायन केशव मारु मेमोरियल इन्टर स्कूल १ दिवसिय क्रिकेट प्रतियेगिताको बुधवार ब्यानर अनावरण गरिएको छ । 

सिंगापुरलाई ७१ रनले पराजित गर्दै नेपालले उपाधि जित्यो 

नेपाल एसिसी यू–१६ पूर्वी क्षेत्रीय क्रिकेट प्रतियोगिताको च्याम्पियन बनेको छ। थाइल्यान्डको ट्रेडथाइ मैदानमा आइतबार भएको फाइनलमा सिंगापुरलाई ७१ रनले पराजित गर्दै नेपालले उपाधि जितेको हो।

वातावरण संरक्षणर सम्वद्र्धन उपमहानगरको प्राथमिकतामा -नगर प्रमुख डा. पौडेल

जीतपुरसिमरा उपमहानगरपालिकाका नगर प्रमुख डा. कृष्ण पौडेलले वातावरण संरक्षण र सम्वद्र्धन उपमहानगरको प्राथमिकतामा रहेको बताएका छन् । 
Editor in chief

K.C. Lamichhane

kc@esimana.com

For Advertisement

Nabin Karki

9845035860

marketing@esimana.com

Contact Us

Simana Media Pvt. Ltd. Shreepur 14, Birgunj

Contact: 9855020497

info@simana.com, news@esimana.com


© 2017 Simana Media Pvt. Ltd.

Design and Development by Cyberlink Pvt. Ltd.